الاول والثانى
الفصل الاول
= امال أنتِ متجوزة أباجورة يهانم ولا إي!
_ مالكَ في إي!؟
= أبن عمكِ دا يسلم عليكِ وسط الناس بتاع إي من الاساس فهميني!؟
_ أبن عمي و ع فكرة بقا أنتَ كسفت الواد ،،
الواد كان ماشي ووشه في الارض بعد ما أحرجتهُ.
= خايفه ع مشاعره و مش خايفه ع مشاعري!
_ انا مقولتش كدا ،، انا أقصد ...
" مدنيش فرصه أتكلم و قال .."
= يا بنت الحلال تقصدي ولا متقصديش ،، براحتك ما هو أنا مبقاش ليا حكم عليكِ خلاص ،، هي بقيت سايبه أعملي اللي يريحكِ انا خارج برا سلام ..!
_ يا نادر متقولش كدا يا نادر أستنااااه....
" مدنيش فرصه أشرحله حاجة ،، او حتي أفهمه أني مقصدش أجرحه بالطريقة دي ،، سبني و أخد المفاتيح بتاعتهُ و قفل الباب و خرج .."
" يمكن نادر أكتر ميزة شدتني ليه من ساعة ما اتجوزنا ؛ أنه بيغير علي أهل بيتهُ جداً .. يعني لو جات مرة و شاف حته من الخمار باينه فيهِ شعري زي البنات اللي بطلع شعرها ،، بتبقي ليلتي معداش عليها شمس من زعيق و خناقات لحد ما أصالحهُ و بالعافية كمان.."
" في مرة كدا نزلت صورة عندي ع واتس ،، صورة عاديه كاتبه فيها كلام من الأهطل بتاعي ،، رد عليا ببلوك ساعتها ،، علشان منبهّ عليا الا صوركِ يا حوريه..
أتجوزنا و بقينا في بيت واحد و لسا زي ما هو متغيرش .."
= مش هتقومي تصلي الفجر يهانم ولا هتقضيها عياط كدا للصبح!
"كنت ماسكه الدبدوب اللي جابهولي يوم عيد جوازنا و بعيط جامد في البلكونه ،، و أول ما سمعت صوتهُ جمبي قولت .."
_ لو سمحت متكلمنيش ،، انا مخصماكَ اصلاً.
= و الله عال يعبال ،، هو دا اللي بناخدهُ منكم يا بنات حوا
هو مين اللي يزعل من تاني أصلاً!
_ انا أزعل و أجيب ناس تزعل كمان.
ومتكلمنيش لو سمحت ،، و هطلقني يعني هطلقني يا نادر يا شريف ، هه!
= نادر شريف حاف كدا!
فين حبيبي!
فين يا روحي و يا حياتي و يا قرة عيني بتاعت أيام الخطوبه فين الكلام دا يا وليه ،، راح فين!
_ ما انت اللي بتزعلني منك ،، و بطلع أسوء ما عندي.
=زعلتكِ!
وأسوء ما عندكِ كمان!
طيب يستي حقك عليا ،، ممكن نصلي الفجر بقا.
_ بس دا أبن عمي يا نادر.
أزاي مسلمش عليه ،، أزاي يعني يا نادر!
= علشان مش من محارمكِ يا حوريه.
تقدري تسلمي ع عمكِ ، خالكِ ، اخوكِ ، و أبوكِ ينفع برضوا ميضورش!
_ أبويا!
و دا ليه ان شاء الله!
= علشان أنتِ ملكي
و بتاعتي انا و بس ،، فاهمه يعني إي بتاعتي أنا و بس ،، يعني محدش يشاركني فيكِ يست هانم.
محدش ليه الحق انه يلمسكِ غيري انا و بس ،، أنتِ فاهمه!
" قال جملتهُ الاخيرة بكل زعيق هو و باصص في عينيا ،، رديت عليه بكل هدوء و دموع شبه القطط كدا.."
_ممكن اقولكَ ع حاجة طيب!
" فتح اللابتوب وعمل نفسه مش واخد بالهُ مني و قال .."
= سمعكِ.
_ أنا عارفة ان عبد الرحمن مش من محارمي بس انا عملت كدا علشان أشوف حبي لسا معشعش جواك ،، ولا لا يا ابو نسب!
= تروحي تسلمي ع ابن عمكِ علشان تعرفي حبك معشعش ولا.....
_ شششششش مش عايزة أعرف حاجة ،، كفاية عليا اني بحب واحد زيك كدا يا نادر يا شريف!
=مش نادر شريف دا كُنتِ عايزاه يطلقكِ من شويه ع ما اعتقد!
_ هههه أبقي أعملها انتَ كدا أبقي أعملها ،، ولا حتي تقدر تنطقها علشان تشوف هعمل فيكَ إي!
" بصلي من تحت لفوق كدا و مسك دراعي و قال .."
= هتعملي إي هه!؟
"بصيت بكسوف ع الارض و قولت .."
_ ملكش دعوة
= ممكن اقولكِ انا هعمل إي!؟
_إي!
" قرب مني جامد و شدني ليه بكل رقه و قال .."
= هخدك في حضني طبعاً.
" لقيته لسا هيقرب اكتر من الاول و في اللحظه دِ الفون بتاعي رن.."
_ الو
مين معايا!؟
= مش فكراني ولا اي!؟
انا الماضي يا قطه اللي هدمرلك حياتكِ
_الماضي!
انتَ مين انتَ يا حيوان..
____________________________
الفصل الثاني
_ الو
مين معايا!؟
= مش فكراني ولا اي!؟
انا الماضي يا قطه اللي كنت فِ حياتكِ قبل الجواز نستيني ولا اي!؟
_الماضي!
انتَ مين انتَ يا حيوان..
=من غير شتيمة يامدام ، ولا انتِ عايزة جوزك يسمع الكلام اللي هقوله ولا اي!
"فِ اللحظة دِ كان نادر خد الفون مني و سمع كل حاجة.."
=كلامكَ يبقي معايا انا و بس
قولي بقى أنتَ مين بالظبط و عايز إي شاطر!؟
_أحم
ما هو لامؤخذة فِ الكلام ، مينفعش حد يسمع الكلام اللي بقوله دَ غير المدام و بس.
=أنتَ عبيط يلا
مدام مين دَ ي حيوان اللي بتتكلم عنها ، أنتَ عارف بتقول إي ، أو بتتكلم مع مين أصلاً!؟
_مش مدام حورية ، حرم الاستاز نادر
صح كدا ولا اي!؟
=تمم ، عايز تقول إي من الاخر كدا!؟
"كانت اول مرة أشوف الغضب اللي في عيون نادر و العصبية ، دَ حتي وشه بقى لونه أحمر من كتّر الزعيق.."
"انا مكنتش خايفة علي نفسي علشان عارفة اني عمري ما كلمت شاب غير نادر ، يعني يوم ما كلمت نادر ، لقيت أختي شفتني أنا و بكلم شاب من وراهم ، ساعتها أختي هددتني هتقول لِ بابا لو مبعتش عنه ، هو أه القرار كان صعب
بس هو هون عليا لما لقيته متمسك بيا.."
"لغاية ما نادر اشتغل وعافر و تعب علشاني ، و علشان نكون فِ بيت واحد مع بعض ، فمجيش أنا أبيعه و أخون ثقته فيا بكل سهولة كدا.."
_مراتكَ كانت بتحب صاحبك يوسف قبل الجواز ع فكرة..
و مش كدا و بس ، كانت بتيجي الشقة عنده ، و ما أدراك ما شقة بقا يا بشمهندس..
=عارف يا حيوان لو سمعتكَ بتنطق حرف تاني علي مراتي هتبقي نهايتكَ ع أيدي انا بقولكَ أهوو ، و أحظر مني انتَ فاهم ، يلا غور فِ داهية.
"قفل السكه فِ وشه و رمي التليفون ع الارض بكل قوة و قال.."
=أنتِ كان ليكِ علاقة قبل الجواز ي حورية!؟
بصتله بدهشة و قولت:
_انا انا يا نادر .. انتَ أكتر واحد عرفني كويس يا نادر ، دَ أنا بخاف أنزل صورتي انستا و لا واتس ، تروح تقولي علاقة كمان...
=حورية أنا بسألك مش أكتر
ياريت تجاوبي بِ_أه او لا!
_و انا مش هجواب علشان انتَ اكتر شخص عارف مين حورية كويس ، بس برضوا هجاوبكَ و أقولك لا
مكنش ليا أي زفت قبل كدا و لا هيكون اصلاً..
"وقعت ع الارض و فضلت أعيط ع الثقة اللي ضاعت بينا اللي كل مالها و بتقل تقل.."
=طيب بصي يا بنت الحلال أديني الفترة دِ بس أجمع قوتي من تاني ، و اشوف مين الحيوان اللي بيتصل بيكِ دَ علشان لو طلع الموضوع صح.
أنسي حد اسمه نادر.
_ أنسي هي بقت كدا يا نادر!
الثقة راحت اللي بينا..كل حاجة هتضيع بينا علشان شخص هلفوت زي كدا.
"كان نفسي يخدني فِ حضنه و يكدب كل الكلام بحضن صغير هيغير حياتنا ، و هيطمني أني لسا الثقة اللي ما بينا موجودة ..بس هو معملش كدا.."
=تصبحي ع خير.. انا هنام برا.
_________________
"عدي اسبوع مش بنتكلم مع بعض انا و نادر ، كان بِ_شُك من اقل حاجة ، اول ما التليفون يرن كان هو يرد عليه ،، اول ما حد يرن الجرس كان هو اللي يفتح ،، لغاية ما جاي فِ يوم من شغل بتاعه ، و هو و بيفتح الباب سمع صوت.."
_حورية انتِ بتكلمي مين!؟
أنطقييييييي انتِ بتكلمي مين يا فااااااااجرة...
اخر جزين
الجزء الثالث
_حورية
انتِ بتكلمي مين!؟
أنطقييييييي قولي
انتِ بتكلمي مين يا ....
=انا انا انا مبكلمش حد والله.
_نعم!
امال ماسكه التليفون وواقفة فِ البلكونة بتعملي اي يهانم!
=فِ إي يا نادر!
دِ مبقتش عيشة دِ يارب.
مالك فِ إي متغير معايا كدا!
ليه بقيت تشك فيا من اقل حاجة!
الثقة اللي فضلنا نكبر فيها من ايام الخطوبة راحت فين!
كل دَ علشان واحد من شارع الله اعلم مين جاي بكل ثقة يقولكِ..
مراتكَ بتخونك مع صحبك يبقي بخونك و خلاص كل حاجة انتهت ما بينا كدا بالساهل ،
و تعب السنين اللي بَّنينَها مع بعض يروح بساهل كدا!
حقيقي يا خسارة ، يا الف خسارة علي السنين دِ كلها و التعب اللي تعبته كمان.
_امال كنتِ واقفة بتعملي اي!
=واقفة فِ البلكونة كنت مستنياكَ زي كل يوم عادي.
_وانتِ تقفي فِ البلكونه ليه اصلاً و التليفون بيعمل اي......
"قطعت كلامه قبل ما يكمل وقولت.."
=بُص يا نادر..
يا ابن الحلال انا هروح أقعد عند أختي فِ شقتها لغاية ما تهدي كدا و تروق ،
و تشوف نفسك شوية و تشوف انتَ بتكلم مين يا نارد و بتشك فِ مين ، انتَ بتشك فِ ام عيالكَ ،هه!
حورية..
حورية يا نادر متنساش.
"أخدت شنطتي و روحت عند أختي كنت زعلانه انه موقفنيش ولا حتي قالي مصدقكِ يا حورية أقعدي.
مفيش اي كلمة خرجت منه.
~نورتي بيتكِ ي حبيبتي.
=منور بوجودك ي غالية تسلمي ، امال فين حمزه!؟
_حمزة نايم جو ، و بيصحي علي المغرب كدا علشان الشغل يا حبيبتي متقلقيش البيت بيتكِ.
=دَ عشمي فيكِ ي اختي.
_بس قوليلي يا حورية يا اختي ، انتِ متخانقة مع جوزك ولا حاجة..
=لا طبعاً ربنا ميجبش خناق بس هو هيطبق يومين فِ شغل و انتِ عارفة بخاف انام لوحدي ف شقة و هو مش موجود،
فجيت اقعد معاكِ اليومين دول بس.
"عدي اسبوع مش يومين من غير ما يتصل عليا و لا حتي يبعتلي مسدج ،
حسيت نفسي ماليش لازمه فِ حياته..
وان لدرجاتي أتخل عني و مش بيسال عني ، لا بجد شكراً و الف شكر كمان يباشمهندس.."
=بقولك يا اختي هو نادر ما اتصلش بِ_حمزه قبل كدا او حتي كلمه مرة.
_مش عارفة والله يا حبيبتي هسالك حمزه ، استني.
_ حمزه ي حمزززززززه..
¤ نعم نعم.. عايزة اي!؟
_ما براحة فِ اي بتزعق كدا!
¤ هو مين اللي بيزعق يست انتِ ، مش انتِ اللي بتندهي.
_ماشي بنادي عليك وانت مش سامعني.
¤ لا سامعكِ بس كنت...
_يعني سامعني و بطنشني كمان..
لا بقا دَ انتَ قلبك جامد بقا و مبقتش ترد عليا
دَ انت تمسك الشيشة بقا.
¤ ههههه يخربيت افلام محمد رمضان دَ اللي هيخليكِ تطلقي بدري .
_اطلاق!
لا والله انا بهزر معاكَ.
مهزرش معاك ياابو مالك يعني.
متبقاش قفوشة بقا.
¤ ماشي يست الكل من غير خناق اهو عايزة اي أتفضلي.
_كنت عايزة اسالكِ ان لو..........
"سرحت شوية اول ما شوفت خناقتهم مع بعض افتكرت خناقاتي مع نادر و مشاكلنا ، و اننا مش بنسيب الزعل ياخدله مكان وسطنا ، لازم نتصالح حتي لو كان حد فينا الغلطان لازم..
"كان فِ مرة قبل الخطوبة و قبل ما حد يعرف بِ_علاقتنا انا و هو و قبل ما ياجي لِ_بابا كنت عايزة اشوفه بيحبني قدي اي،
فقولت.."
_ع فكرة بقا انا معايا الفانزاتِ و الفَنزينِ بتوعي بيسالوا عليا و كل يوم واحد من الفانزات بتوعي يسال عليا ع فكرة.
=نعم!
بيسال عليكِ فين دَ؟
_ع الفيس طبعاً ، يا بني انا الازر عندي مش قادر يتنفس من رسايل.
=حورية مضيقنيش و أعدلي كلامكِ.
_انا قولت حاجة ، انا بس بقولك اني عندي ناس بتسال عليا مش اكتر.
طيب تصدق بالله ، فِ واحد من الازر كل يوم يطمن عليا كل يوم والله العظيم
يعني عندك يوم ما الاهلي كسب البطولة من زمالك بعتلي مرة بيقول..
"الف مبروك يا قلبي ع بطولة"
و يوم ما لبست الخمار برضوا بعتالي بيقول
"الف مليون مبروك يا حوحو ع خمار"
الواد دَ مش عتقني حرفياً يا نادر اول ما نزل بوست لازم ياجي يشجعني تصدق اني حبيته اكتر منك ،
احم بهزر..👀"
=طيب كويس والله
هاتِ بقا الاميل بتاعكِ و الباسورد يا حورية بتاع الفيس.
_اي!
و دَ ليه!؟
=هو اي اللي ليه!؟
انا بقول هاتي الايميل بتاعك يا حورية.
=ايوة ليه يعني؟
مش بتثق فيا يا نادر.
_مش حكاية ثقة بس هاتي ايميلك.
"كان نفسي أديله الايميل بتاعي اللي هو تاريخ عيد ميلاده اصلاً و بعده تاريخ ميلادي بالظبط..
مولدين فِ نفس الشهر
شهر 10
بس زعلت انه بيتكلم معايا كدا ،
و يهز الثقة اللي بينا للمرة التانية.."
_______
"فلاش بااااااك.."
_نادر اتصل بيك او كلمته واتس ولا فيس يا حمزه؟!
¤ هو انا مش بشوفوا ليا فترة والله بس هحاول اتصل بيه .. هو فِ حاجة حصلت ما بينكم يا حورية ولا حاجة!؟
=لا طبعاً مفيش اي حاجة حصلت بس.....
"فِ اللحظة دِ حسيت ان الكلام تقل ع لساني مبقتش حاسة بالعالم حوليا ، مكنتش حاسه بأي صوت غير صوت اختي هي و بتقول..
_حورية
اختي مالك يا حورية.
حووورية فوقي يا حوريةةةةةة...
يتبع..
________________________________
الجزء الرابع
_حورية
مالك يا حورية.
حووورية فوقي يا حوريةة..فوقي
"محستش بِ_نفسي غير وانا ع سرير المستشفي بقول:
=اااه هو انا فين!
_برضوا يا حورية يا اختي تقلقينا عليكِ بِالطريقة دِ ، ينفع كدا يعني!
=هو حصل إي ، وإي اللي جابني هنا؟
_متقلقيش مستنين الدكتور ياجي يطمنَ عليكِ.
=طيب قوميني عايزة أقعد.
_خليكِ مرتاحة يا حببتي ، متتعبيش نفسك.
=قوميني انا بقيت كويسة.
"و فِ اللحظه دِ دخل علينا نادر و كان جاي بِ_سرعة ، لدرجة فتح الباب من غير ما يخبط.."
~ايدا ايدا الحقي يا حورية نادر جايه يا بت اهوو.
=بصيت ليه و بعدين بصيت لِ_لارض تاني.
_بعد اذنك ممكن تسبينا مع بعض شوية.
~ااه ااه طبعاً.
"اتقفل الباب علينا ، مش عارفة ليه مرديتش أبص عليه ، يمكن علشان متصلش بيا و لا قالي أرجعي طيلت الاسبوعين دول.."
_حورية.
برضوا مش هتكلميني؟
"لأول مرة اتجاهل كلامه و مردش عليه.."
_ لسا زعلانة مني؟
طيب بصي عليا حتي!
" قاعد ع كرسي اللي جمبي ، و رفع راسي بِ_أيديه و بصيتله..
يمكن نظراتي ليَ كانت كلها عتاب ليهِ ،
اللي هو انتَ ماسألتش عليا ليه؟
انا قصرت معاك فِ إي علشان مترنش عليا فَ الفون طيب؟
هونت عليك متتصلش بيا؟ "
"كان لسا هيتكلم معايا بس دخل علينا الدكتور و معاه التحاليل و تقرير الفصح بتاعي و قال .."
_اسف ع دخولي المفاجىء بس حبيت اقولكِ يا مدام انكِ حامل فِ الشهر التاني.
حاولي متضغطيش نفسك كتير الفترة دِ ،
و أبقي كُلي علشان الجنين بِ_ينمو الفترة دِ ،
هكتبلكِ ع شوية أدوية تنتظمي عليه و باذن الله خير ، مبروووك يهانم.
"من كتر الصدمة اللي كنت فيها ، او يمكن هي فرحة مش صدمة خالص خالص كمان ، حضنت نادر اوي و فضلت اعيط.."
_ششششش أهدي أهدي.
=انتَ سمعت دكتور قال إي؟
سمعت دكتور قال إي يا نادر!
بجد انا مبسوطة اوي اوي ، عايزة أقوم اتنطط من السرير من كتر الفرحة.
حقيقي مبسوطة يا نادر.
_مش اكتر مني يقلب نادر ،
بجد انا اللي مش عارف اقولكِ اي ،
انتِ اكيييد مش زعلانة مني يا حورية صح؟
"طلعت من حضنه ،، و رفعت وشي وقولت.."
=لا طبعاً زعلانه ، وأبنك كمان زعلان علشان زعلت مامي ، وانا مش هسامحك ولا انا ولا محمد ، هه!
_محمد!
مين محمد دَ؟
=نعم! حتي محمد مش عارفه يا نادر؟!
_أه أاه محمد أبني ،انتِ لسا فاكره.
=و مش هنسي أبداً ، انك كنت عايز تسمي محمد ع اسم أخوك محمد الله يرحمه.
_انا مش عارف أقولك اي والله ، بجد انا بحبك اوي يا حورية مش عايزاكِ تزعلي مني يا غالية يا بنت الاصول ، حقك عليا متزعليش..
=بااااس بااااس مش عايزاك تتقول كدا ،
خلينا نفرح انهاردة ارجوك ، انا فرحانه اوي اوي يا نادر مش مصدقة اني هجيب ع الارض حته منك بجد مبسوطة اوي.
_و هنفرح اكتر و اكتر لما تسمحيني ماشي.
=مبزعلش من ابو العيال ، أينعم أخدت اسبوع مش بتسال عليا ، بس لما يجي محمد هخليه ياخدلي حقي برضوا ، و يفرجك ماما دِ غالية اوي.
_طبعاً غالية و ست الغاليين كمان.
=بحبك ، بحبك يا نادر.
_دَ انا اللي بحبك يقلب نادر.
_____________
"عدي 8 شهور محستش بِ_تعب طيلت الفترة دِ ، كان نادر معايا أول بِ_اول مسبنيش اتعب لوحدي كان واقف فِ_ضهري دايماً لحد ما جيه يوم الولاده.."
~يا باشمهندس يا يباشمهندس الحقني.
_خير فِ اي؟ حصلها حاجة ابني حصله حاجة؟
انطقيي..
~المدام بتاعت حضرتك عماله تضرب فِ دكاترة فِ اوضة العمليات و تقول هو السبب هو السبب ، اللي اخطفني من بيت اهلي و عمل اللي عمله
_عليا انا!
يبنت المجنونة هتودينا فِ داهية ،
هي فين خليني اسكتها..
~اتفضل أهي..
"دخل أوضة العمليات و اول ما شوفته قولت.."
=طلقنييييييييي انت السبب انت السببببببب...
_انا السبب اي يبنت الهبلة ، احنا مش متجوزيين.
=ايوةة بس مقولتليش ان هتعب بالشكل دَ ، محدش قالي ليييه..
_استحملي استحملي يا حببتي اهي كلها شوية و أبننا ياجي بالسلامه ، شدي حيلك انتِ بس ، و بطلي فضايح هتفضحينا..
=هات أيدك
_ليه!؟
هتعملي اي يا مجنونه.
=بقولك هات أيدك يا نادر بسرعةة.
_خدي اهوو ربنا يستر.
_اعااااااااااااا ي بنت العضاضة يا حوريةة ااااه سيبي أيدياا حرام عليكِ..
=علشان تبقي تحس بيااااا اعااااااااا يمامااا
"كل دَ ولا حاجة ساعة ما شوفت أبني فِ حضني و بين ايديا ، كل دَ يهون علشان خاطر ابني و الضانه غالي طبعاً.."
_عارفة يا حورية.
=نعم يقلب حورية!
_اخر مرة هخليكي تولدي طبيعي ،
دَ انا ادفع دم قلبي و تولدي قيصري و لا تعضيني العضة دِ يا شيخة منك لله..
=ههههه ، معلش ي حبيبي بس والله محدش بيحس بوجع الأم غيرها هي و بس.
_عارف عارف يا حببتي والله ربنا يكون فِ عونك يارب ، الل صحيح عايز اشوف ابني.
=اهي اي رايك في بنتنا
_هي بنت مش ولد!؟
=تؤ تؤ تؤ تؤ طلعت بنت قمورة اوي شبهك.
_بسم الله الرحمن الرحيم ما شاء الله الله اكبر قمورة اوي ، ربنا يباركلنا فيها يارب و تطلع زي مامتها.
= هتسميها إي طيب؟
_هسميها آيه ع اسم بنت الناظر.
=مين بنت الناظر دِ يا نادر؟
_لا دِ حكايتها حكاية بعدين هقولهالك ، المهم اني مبسووطه اوي و اكييد بنت الناظر هتتبسط اوي كمان ، اني أتغيرت و بقيت نادر جديد غير اللي كانت تعرفه و بقيت شايل مسئولية كمان ، و مبقتش أشك فيكِ زي الاول بقيت عارف مراتي كويس مش اي حد ياجي يقولي كلمتين هصدق يعني.
=طيب ما تحكيلي مين دِ؟!
_لا دِ الجزء تاني بقا ،
يلا نطمن ع بنتنا آيه عاملة اي فِ الحضّانه جوا.
=يلا نشوفها يا حبيبي.
_يلا يقلب حبيبك.
تمت
تعليقات
إرسال تعليق