دار المجد للقصص والروايات
روايه احبني رغم اعاقتي
الجزء الاول
بقلم هويدا زغلول
انهارده اول يوم في شقتنا الجديده بعد ما عمي نصب علينا في ورث بابا وخدوا انا سبت البيت بس لحد ما اعرف ارجع حقي وحق امي واختي بدايه الحكايه انا سامح عندي٢٥سنه كنت شاب عندي كل حاجه عربيه فيلا ووصل بينا الحال أننا بقينا ساكنين في مكان شعبي في منطقه عشوائيه بس ربنا يهدي الحال ونرجع الفيلا تاني عايش مع امي واختي امل
امل :انت واقف كده ليه يلا عايزه اغير هدومي
سامح : وتغيري في اوضتي ليه ما تروحي اوضتك
امل :لاااا يا حبيبي انا هاخد الاوضه دي علشان في وش الحمام انما انت خد الأوضه التانيه فيها بلاكونه كبيره
سامح :لا انا هاخد الأوضه دي وامشي يلا اطلعي برا ومسك امل من هدومها
امل :يا ماما يا ماما
الام:فيه اي ماسك اختك كده ليه
سامح :الهانم عايزه تاخد الاوضه دي
الام: معلش يا امل خدي انتي الأوضه التانيه
امل :واشمعنا بقي مش بتقدري إلا عليا انا لا انا عايزه الأوضه دي
سامح :انا داخل انام ولما تخلصوا ابقوا صحوني
امل :برضه انت مش سامع كلامي
سامح :ماما
تعليقات
إرسال تعليق