روايه زواج مع ايقاف التنفيذ
الجزء الاول
بقلم هويدا زغلول
دلال :مالك قاعده كده ليه
مايا :انا موافقه اعيش اخدمك انتي
وبناتك طول عمري بس بلاش
دلال :بلاش اي مش فاهمه
مايا :ارجوكي انا مش عايزه اتجوز
دلال :اه عايزه تفضحني صح جايه
يوم فرحك وتعملي فيا كده
مايا :خالتو انا قدرت انك ربتني بعد
امي الله يرحمها بس ارجوكي بلاش
دلال :بقولك اي الكلام خلص انتي
رايحه الكوفير دلوقتي ومافيش بنت
بتقول رائيها هنا
مايا :لو بنتك هتعملي فيها كده
دلال :قدامك حل من اتنين يا
تدخلي تجهزي نفسك وتنزلي الكوفير
يا هتصل بخالك ويشوف صرفه معاكي
مايا :حاضر ودخلت وهي عامله تعيط
ودلال داخله الاوضه لقت جوزها واقف
دلال :مالك بتبص ليا كده ليه
طارق :مش هعملك اللي في دماغك
دلال:مش فاهمه كلامك
طارق :احمد مش هيتجوز مي
دلال :اشششش وطي صوتك ادخل
جوا انت عرفت موضوع احمد منين
طارق :الواد كان بيحب مايا اوي
دلال :وسابها
طارق :بسبب اعمالك
دلال :هي مي دي مش بنتك
طارق :بنتي بس انا ربيت مايا برضه
دلال:مصلحه بنتي عندي اهم من اي
حد وبعدين محدش قالو يسبها
طارق :يا مفتريه انتي كنتي مطلعه
عنيه
دلال :بقولك اي اوعي كده ورايا
حاجات كتير
مايا :انا نازله
مي :انتي صعبانه عليا اوي طيب ليه
وافقتي
مايا :انتي شيفاه أن امك يتقالها لا
مي :بس مستقبلك برضه
مايا :انا مش عايزه اتجوز علي
مي :كان قدامك وقت تقولي لا
مايا :انا مخنوقه اوي ان كملت
مي :انا مش عارفه اقولك كلام خالص
وتلفون مايا رن
مايا :الو ايوه مين
احمد :مبروك يا عروسه صح هتبصي
لواحد زي ازاي
مايا :والله انت فاهم غلط
احمد :كنت غلط لما فكرت في واحده زيك سلام
مي :ده احمد
مايا :ايوه يا مي هي ليه خالتو
كانت بتعمل فيا كده حرام والله
مي :هو عرف فرحك منين
مايا :معرفش والتليفون رن تاني
مي :هو
مايا :لاه علي اللي بيرن
مي :طيب ردي
مايا :لا مش عايزه خدي قولي ليه
نازله عقبال ما ادخل الحمام
مي :حاضر وردت عليه وبعدها فضلت
تدور علي رقم احمد مش لقياه راحت خدت اخر رقم كلمها منه
واتصلت من تلفونها
مي :الو ايوه يا احمد 😭
احمد :مين معايا
مي :انا مي بنت خاله مايا
احمد :خير في حاجه تاني
مي :انا قلبي وجعني اوي مش فاهمه
مايا ازاي تعمل كده ملعون الفلوس اللي
تخلي حد يتنازل عن حب عمره
احمد :شكرا لحضرتك
مي :انا عارفه انت بتحبها قد اي
احمد :كنت بحبها
مي :هو ده رقمك
احمد :امال انتي خدتي ازاي
مي :اصل لقيته رقم عندها مش اسم
احمد :هي كمان مسحت اسمي
مي:ينفع ابقي اطمن عليك
احمد :شكرا لذوقك اوي وقفل
ونزلت مايا الكوفير
الكوفيره :حضرتك مش عارفه اشتغل
بطلي عياط
مي :معلش اصلها كان نفسها امها
تكون موجوده بطلي بقي
مايا :مش قادره والله
مي :بطلي عياط امي لو جت شافتك
مش هتسكت وخلصت وراحت الفرح
كان في شارع في منطقه شعبي وجوزها
كان شكله مش طبيعي وكانت عامله
تعيط وتتخيل أن احمد هو العريس
وخلاص طالعه شقتها والناس كلها وراها
لقت حماتها قدام الشقه مفتوحه وحطها
أيدها قدام باب الشقه
دلال :في أي
ام علي :لازم تعدي من تحت ايدي
مايا :ده ليه
علي :علشان تكوني تحت طوع أمي
مايا :اي الهبل ده
ام علي :مش هتخدلي الا من تحت ايدي
مايا :مش هيحصل
دلال :عدي يا مايا
يتبع
الجزء الثاني
بقلم هويدا زغلول
مايا :لا مش هعمل كده
علي :ومش هتخدلي الشقه الا لما
تعملي كده
مايا :خلاص مش داخله
دلال:وعايزه تفضحينا
مايا :افضح اي قولت مش داخله
ام علي :ده من اولها بتقولي لا
مايا :انا اسمع كلامك اه بس الحركه
دي لا
مي :مش عايزين مشاكل يا مايا
مايا :انا مش عارفه انتو عايزين اي تاني
ما اتجوزت وعملت اللي انتو عايزنو
ام علي : ليه هو انتي مكنتيش عايزه الجوازه دي
دلال متقدتش والله ادخلي بقي منك لله
مايا عدت ودخلت الشقه وهي بتعيط
والكل مشي الا مامت علي
الام :علشان الحركه دي مافيش دخله
انهارده
علي :لسه بس كده يا اما
الام :اخرس
علي :حاضر ماشي اللي تشوفي
مايا :ممكن أنام ولا ده ممنوع كمان
الام :انتي بتتريقي
مايا :هو انا اقدر
الام :اوضتك دي وانت ادخل اوضتك
علي :حاضر ماشي ودخلت مايا
الام :يا واد انا بعملها تسمع الكلام
علي :ذنبي انا اي
الام :مالك يا واد انشف كده
علي :حاضر ودخلت مايا
مايا :احمدك يارب وفضلت تعيط
وفرحانه أن علي مش هيكون معاها
وبعدين باب الاوضه خبط
مايا :مين
علي :اششش وطي صوتك انا علي
مايا :عايز اي
علي :افتحي اقولك
مايا :اسمع كلام امك
علي :عايزك والله في موضوع وفتحت
لأنها واثقه أن مش هيكسر كلام أمه
مايا :نعم
علي :انتي حلوه اوي
مايا :شكرا حاجه تاني
علي :بوصي هقولك وشالها
مايا :انت بتعمل اي
علي :والنبي وطي صوتك وقاعدها
عالسرير بوصي واحنا لوحدنا انا ملكك
هعملك اللي انتي عايزه حتي لو
عايزه نجمه من السما وربنا انا عارف
انك مش عايزني المسك علشان كده
مش هعمل كده
مايا :اه منا عارفه
علي ؛بالكتير امي هتقول بكره خالص
ومش هعمل حاجه علشان انتي مش عايزه انا عايزك تحبني من قلبك
مايا :انت اتجوزتني ليه
علي :علشان بحبك وعارف انك تعبانه
في بيت خالتك وكان نفسي بس
اقعد معاكي كده والحمد لله عملتها
انا عيبي مليش شخصيه قدام أمي
انما والله انتي لو عرفتني هتعرفي انا
طيب ازاي
مايا :ماشي
علي :عايز منك حاجه عمري ما هنسها
مايا :عايز اي
علي :ناكل سوا
مايا :نعم
علي :هناكل وهتدخلي الاوضه تاني
وهتنامي برحتك والله بس نفسي
اقعد معاكي مايا فكرت أنها مش كل حاجه ينفع تقول عليها لا
وخرجت تاكل
علي :هينفع تأكلي بالفستان
مايا:اه عندك اعتراض
علي :لا برحتك وقعد عامل يأكلها
في بوقها وهي ساكته
علي :كان حلم بعيد اوي ان افكر
اتجوزك وخلصت ودخلت نامت
وصحيت لقت حماتها وافقه قدام السرير
مايا :بسم الله الرحمن الرحيم
الحما :اي شوفتي عفريت
مايا :لا بس اتخضيت
الحما :يلا يا عروسه علشان ننزل
نفطر وخرجت الحما
علي :هنزل وراكي
مايا :انا مش نازله
علي :باس أيدها علشان خاطري وافقي
مش عايزين كلام
مايا :ارجوك انا مش عايزه انزل
علي :مش عايز من اولها تقولي لا
علي كل حاجه
مايا :وحتي لو هو ينفع عروسه
تنزل يوم صبحيتها
علي :عروسه الله حلوه اوي من بوقك
طيب تعالي واوعدك من بكره هنقعد
اسبوع في الشقه يلا بينا ونزلت
لقت في ناس كتير
علي :دول اخواتي وعيالهم
الحما :ادخلي هاتي الاكل ما سلايفك
مايا :حاضر ودخلت صباح الخير
شروق :اهلا صباح الخير تعالي سخني
الفول عقبال ما اجهز السفره
مايا :حاضر ماشي
ايه:مبروك يا عروسه
مايا :الله يبارك فيكي
ايه :انتي حلوه اوي
مايا :شكرا ربنا يخليكي
ايه :انا ايه مرات محمد الكبير
مايا :اهلا بيكي
ايه :معلش ألبومه طلعت جبتك من فوق
اقسم بالله بكرها
مايا :هو انتي عارفه تعيشي معاهم
ايه :محمد طيب وغلبان وعلي برضه
والله طيب اوي عيبهم امهم بس
وبعدين انا من هنا من الارياف وعيله
كبيره زي دي لما تطلب واحده يكون
يا سعدها
مايا :ومين اللي خرجت دي
ايه :شروق مرات مجدي بس شيفاه
نفسها انتي مش من هنا صح
مايا :من القاهره
ايه :وعرفتي علي ازاي اه صحيح نسيت
أن بينزل القاهره كتير
شروق :والله فين الفطار
مايا :مش من حقك تعلي صوتك
شروق :والله اشوف ماما بقي هتقول اي
ايه :بلاش دي لانها حيه ابعدي عنها
مايا :ربنا يستر
ايه :عالعموم انا جنبك لو عوزتي حاجه
انا تحت امرك تمام يلا بينا بقي
الام :طبعا مايا مش عارفه اي الاسم
الماسخ ده
علي :مالو حلو يا امي
الام :عجبك يا حبيبي تتهني بيه بيه
المهم عروسه لمده اسبوع مش هتكون
معاهم في البيت بعد كده زيها زيكم
شروق :وربنا زعلانه منك في حاجات محدش يعرف يعملها غيري
الام :هو انا عندي كام شروق ربنا يخليكي ليا
ايه اتعودي علي كده
مايا :بت فظيعه اوي
ايه :هو لسه شوفتي حاجه
الام :بتتكلموا في أي
ايه :عايزه تقوم تعملك كوبيا شاي
بس قولتها لا ماماا بتشرب قهوه
ومن ايد شروق بس
الام :لا هتطلعي انتي و جوزك يلا
مايا : ليه
الام :ادخل علي عروستك
علي :يلا بينا يا مايا
مايا :بس انا جعانه
علي :هناكل فوق وطالعه
الام :علي خلص وانزل وريني
علي :حاضر ماشي
الام :اه دي جايه من مصر منعرفش
عنها حاجه
شروق :عندك حق والله
ايه : اعوذوا بالله منكم انا هدخل اعمل
الشاي وفي شقه علي
علي :مالك جسمك عامل يترعش ليه
مايا :انت هتنفذ كلامك
علي :طبعا انا مش عيل
مايا :وهتعمل اي مع مامتك
علي :عادي ودخل جاي السكينه
مايا :انت هتعمل اي
علي :نخليها في رجلي علشان
محدش يشك وعور نفسه
مايا :انت مجنون
علي :اه بيكي وعمري ما اقدر اخليكي
تعملي حاجه زي كده غصب عنك
وعدا اسبوع
مايا :غريبه أن خالتي مجتش تزورني
علي :هو انتي عايزها
مايا :لا بس مستغربه وعلي اتصل
من ورا مايا بيهم
علي : ألو ازيك
دلال:بخير الحمد لله
علي :مايا نفسها تشوفكم انتو ليه
مش جيتوا تباركوا ليها
دلال:تصدق بالله كنا جاين انهارده
علي :بجد طيب كويس والله
وفعلا جم وطلعت حماتها
الحما :فين مايا
علي :في الحمام
الحما :خالتها جت بس معاهم راجل غريب انزلوا تحت احسن
علي :ماشي حاضر ودخل
مايا :ليه قولت اني في الحمام
علي :بحاول ابعدها عنك خوفت تكون
عايزه منك حاجه
مايا :كلها بكره وهكون موجوده في شغل البيت
علي :خالتك تحت
مايا : بجد طيب انا نازله
علي :البسي عبايه احسن
مايا :حاضر ونزلت
دلال :بنت اختي حبيبتي تعالي
في حضني ومايا عينها علي احمد
اللي استغربت وجودو معاهم
مايا :احمد هنا بيعمل اي
مي :احمد بقي خطيبي
مايا اول ما سمعت كده اغم عليها
يتبع
تعليقات
إرسال تعليق