روايه لعبه القدر

الفصل الاول

بقلم هويدا زغلول

انا نجوي عندي ٢٨سنه لسه مطلقه من ساعتين بس ايوه أطلقت كان انسان بخيل جدا ونمطي اوي ولا ليه في خروج ولا ليه في اي حاجه كنت بحس معاه اني عندي ٥٠سنه شغال الصبح في شركه وبليل اوبر علي عربيته وكان كل ده عمر ما عرف يخليني مبسوطه انا وحده بحب اللبس وبحب الخروج مليش في المطبخ قد كده كان معظم اكلنا من برا هحكي ليكم من يوم الخناقه وكان سببها اي رجع من شغله كالعاده

صبري :مساء الخير ازيك يا نجوي

نجوي :مساء الخير فين الاكل

صبري :نجوي انا جعان ومكنتش قادر اقف خالص اسلقي بيض وهاتي حته جبنه

نجوي :بيض وجبنه اي مانا فطرنا كده الصبح عامل كده بليل

صبري :يعني انا اللي المفروض اتخانق معاكي يا نجوي علشان مش زي باقي الستات بتعملي اكل في بيتك انتي اللي بتتخانقي معايا

نجوي :اه علشان انا قولتك هطلب دلفري انت قولت لا

صبري :بتتكلمي ازاي واحد يجي البيت وانا مش موجود ازاي

نجوي :ده بتاع اكل