حصريآ علي دار المجد للقصص والروايات
رواية غلطه امي
غلطه امى
الحلقه السابعه والثامنه
ماجد:مش فاهم كلام حضرتك تقصد اي بكلامك ده
سيد :انا كنت زميل والدك واعرف كل حاجه عن والدتك ووالدك
ماجد :حضرتك بتتكلم جد امال انا عمري ما شوفت حضرتك ليه قبل كده هنا ولا عمر والدي كلمني عنك خالص
سيد :حصل مشكله بيني وبين والدك شيطان يا ابني دخل بينا
ماجد :وتعرف ايه عن موضوع امي
سيد :امك ست كويسه ومنه لله الشيطان اللي دخل لباباك وخلاه يطلقها انما هي والله انسانه شريفه وكويسه
ماجد :معقول اللي حضرتك عارفه يكون والدي مكنش عارفه
سيد :بوص انت عايز تحل ولا عايز مشاكل لو عايز تحل دور علي مامتك وجيبها تعيش معاك هنا إنما لو بدور علي مشاكل يبقي هتفتح علي نفسك ابواب مش هتعرف تقفلها
ماجد :انا عايز اعرف كل حاجه متزعلش مني انا معرفش حضرتك انت واحد جاي تقولي كلام الله اعلم أن كان حقيقه ولا كان كدب
سيد :اتفضل ده رقم صلاح وعنوانه اللي المفروض كانت المشكله معاه تقدر تفهم منه كل شي بس نصيحه مني ومتسالش ليه عمتك سميه متعرفش اي حاجه عن الكلام ده
ماجد :ليه اشمعنا عمتي سميه يعني مع انها حكت الموضوع بما يرضي الله وامي مكدبتش كلمه من اللي قلتها عمتي
سيد :بلاش تسال اسمع الكلام ولما مامتك تبقي في حضنك هتفهم كل شي السلام عليكم وخرج من الباب لقاه سميه قدامه .
سميه :سيد غريبه اي اللي جابك هنا
سيد :انتي ناسيه أن اخوكي كان صاحبي ولاكان لازم اجي أعزي ابنه
سميه :تعزي ابنه انت مصدق نفسك بعد ما كسرت نفس اخويا واتجوزت بنت عمه وهو كان رايح يتقدم ليها
راح سيد جنب ودن سميه وقال :بلاش تفتحي في القديم علشان الدنيا متتقلبش عليكي يا سميه وسبها ونزل ودخلت سميه مخنوقه جدا شقه ماجد
سميه :الراجل الزباله ده كان عايز اي
فاطمه :هو مش قالك يا عمتي كان جاي يعزي
سميه :اه واتكلم معاكوا في اي يعني عايزه افهم
فاطمه :واحد جاي يعزي هيتكلم في اي يعني
سميه :هو حضرتك اللي بتردي ليه هو ماجد اخرس ولا حاجه
فاطمه :ابدا انا بفهمك بس علي اللي حصل
سميه :ماشي يا فاطمه ونزلت جري واتصلت بمني
سميه :ايوه يا هانم جوزك كان هنا بيعمل اي
مني :جوز مين أنا معرفش حاجه وهيجي عندك يعمل اي
سميه :اقسم بالله يا مني لو كانت لعبه قذره من لعبك ما هيحصل كويس يا مني
مني :اهدي بس وفهمني فيه اي مش فاهمه
سميه : انا طلعت لقيت جوزك قاعد مع ماجد ومن بعدها ماجد متنح مش بيكلم مش فاهمه فيه ايه وخايفه
مني :خايفه من اي محدش يعرف الموضوع غير انا وانتي ورانيا وسيد وصلاح رانيا الله يرحمها وسيد انا هعرف امسك لسانه ازاي وانا وانتي اكيد مش هنجيب لنفسها مصيبه يعني متخافيش
سميه :ربنا يستر بقي وفي شقه ماجد قاعد مع فاطمه مخنوق
فاطمه :حبيبي انت اي اللي مضايقك كده عايزه افهم بس
ماجد :مش عارف افكر والله يا فاطمه كلام الراجل ده تعبني مش ريحني والله
فاطمه : بالعكس الراجل ده متأكد أن مامتك مظلومه والله وعارف حاجه وانت لازم توصل للي أسمه صلاح ده علشان تعرف توصل لمامتك والله من زمان وانا اقولك مش مرتاحه لعمتك سميه دي معاك العنوان صح
ماجد :ايوه بس لازم أرتب اوموري قبل ما اروح
فاطمه :مافيش وقت ومتزعلش مني انت هتفضل كده لحد ما مامتك يحصل ليها حاجه من الزعل قوم يلا وانا جايه معاك وراح فعلا فاطمه وماجد بيت صلاح وفتحت الباب بنوته صغيره
فاطمه :مساء الخير يا حبيبتي الحاج صلاح هنا
البنت :ايوه جدو جوا مين حضرتك
ماجد :ممكن ندخل نشوفه
وخرجت بنت صلاح :ايوه مساء الخير في حاجه
ماجد :معلش انا اسف اني جيت من غير ميعاد ممكن اقابل الحاج صلاح
بنته :تمام اتفضلوا تعالو ودخلت بنت صلاح
صلاح :مين يا شيماء اللي جه
شيماء : ضيوف عايزنك يا بابا
صلاح : اتفضلوا مين حضرتكم
ماجد :انا ماجد ابن الاستاذ سامح كان جار حضرتك زمان مش عارف والله حضرتك تعرف والدي منين بس بعتني لحضرتك استاذ سيد وكان فيه موضوع عايز اسالك عليه
صلاح :بس بس عرفت انت جاي تتكلم فيه اي روحي ياشيماء اعملي لينا حاجه نشربها
ماجد:شكرا انا بس عايز اسال علي حاجه وهمشي علي طول
صلاح :روحي يا بنتي يلا وخرجت شيماء وبدأ يتكلم صلاح بوص يا ابني انا من زمان عايز اخد الخطوه دي ومش عرفت اعملها الاول انا كنت انسان مفتري اوي بس عايز اعرف ليه سيد بعتك مقلش ليك هو
ماجد :انا مش فاهم حاجه هو حضرتك تعرف حاجه عن الموضوع انا في يوم وليله اكتشفت أن ليا ام وعرفت أن امي دي خانت ابويا مع حضرتك
صلاح :محصلش يا ابني والله امك دي ست شريفه منها لله الحربايه مني هي السبب هي اللي ضحكت علي عمك سيد وقالت إنها لازم تاخد حقها من ابوك وامك علشان ابوك رفضها زمان وخلتني اكدب وأوضح لابوك ان امك كانت علي علاقه بيا انما الحقيقه لا والله امك مش كده يا ابني
فاطمه :شوفت يا ماجد قلبي كان حاسس
ماجد :وانتو اي مش بتخافوا ربنا ازاي تعملوا كده
صلاح : يابني انا مستعد اجي لوالدك واقول ليه الحقيقه
ماجد :تيجي لبابا ابويا مات
صلاح : لا حول ولا قوه الا بالله ربنا يسامحني بقي وانت يابني اوعي تسيب امك
ماجد :وهجيب امي منين دلوقتي
صلاح :انا معايا عنوان أبوها في البلد روح وهي اكيد عايشه عندوا لو مش اتجوزت
ماجد :هات العنوان وحقك يا امي هجيبه من اللي اسمها مني دي وخد العنوان وسافر ليها هو وفاطمه فتحت اميره الباب
اميره :لا مش مصدقه ابني حبيبي وخدها في حضنه وفضل يبوس أيدها وحقك عليا يا امي
فاطمه :مساء الخير
اميره :مساء الخير اكيد انتي مرات ابني صح
فاطمه :ايوه يا حبيبتي. خدتها في حضنها يلا بينا يا ماما علشان تيجي تعيشي معانا
اميره :طيب وسميه
ماجد :محدش ليه دعوه انا عرفت الحقيقه كلها يلا بينا وفعلا لما فاطمه هدومها وراحت بيت ابنها وخبط ماجد علي عمته
سميه :اانت فين يا ماجد كل ده
ماجد :اتفضلي يا ماما تعالي
سميه :تتفضل فين وجت هنا تاني ازاي دي
ماجد :امي هتعيش معانا يا عمتي هتقعد هنا في شقه جوزها
سميه :مبقاش جوزها طلقها
ماجد :ماشي هتعقد هنا في شقه ابنها ولا انا مش ابنها
سميه :لا ابنها بس ملكش شقق هنا
ماجد :انتي بتقولي اي مش فاهم
سميه :ابوك باع ليا البيت قبل ما يموت بيوم ثواني هوريك العقد ودخلت جابت العقد اهو يا حبيبي انا كنت سيباك لما تفوق من موته ابوك واقولك بس شكلك كده خلاص فوقت يلا اطلعوا برا بيتي
_____________________________________________
الحلقه الثامنه
ماجد:بيت اي اللي باسمك مش فاهم
سميه : البيت ده يا حبيبي انا كنت ناويه اسيب الشقه اللي فوق ليك بس بعد ما جبت العقربه دي هنا يبقي انت وهي برا يلا
فاطمه :عمي اي اللي كاتب ليكي البيت انا كنت مع عمي عالطول وعمر مقال عالموضوع ده
سميه :انا نصابه أثبتوا
ماجد :هثبت يا عمتي بس سعتها مش هبلغ عنك سعتها هقتلك بايدي
ايمن جوز سميه :انا بتقول اي يا واد انت امشي اطلع برا يلا من هنا
فاطمه :يلا بينا يا ماجد واحنا هنعرف نجيب حقنا
اميره :حسبي الله ونعم الوكيل عايزه تكلي حق ابن اخوكي
سميه :مبقاش الا وحده خاينه زيك تيجي تكلمني يلا امشوا من هنا يلا
فاطمه :يلا يا حبيبي هنروح عند بابا بس راجعين يا سميه
سميه :اسمي سميه ياقليله الادب وضربت فاطمه بالقلم
اميره :والله هتدفعي تمن القلم ده غالي اوي يلا يا ابني وخرجت
سميه ؛عالم زباله بقولك اي يا ايمن انت بجد واثق أن محدش هيعرف أن الورق ده مزور
ايمن :عيب عليكي يا قلبي هي أول مره نتعامل معاه ولا اي محدش هيعرف خالص بس زي ما اتفقنا نص البيت هيبقي باسمي
سميه :انت والله طماع نص اي لا طبعا انا هكتب ليك دور مش كفايه واخد ٥٠الف جنيه في الورق ده
ايمن:هما ٥٠الف جنيه دول فلوس ياسميه البيت يجيب اكتر من كده وانا هجبلك مشتري زي ما قولنا وتبيع وناخد بيت تاني احسن
سميه :رجعت في كلامي يا ايمن
ايمن:انتي بتتكلمي جد الاول ولا بتهزري علشان اكون عارف
سميه :جد الجد يعني بجد فكرا فيها لقيت أن البيت ده بتاع ابويا وانا اولا بيه وكفايه عليك انت كمان ٥٠الف جنيه وتحمد ربك عليها
ايمن :لاااااا والله انا قادر اخد الدنيا كلها فوق دماغك هروح لابن اخوكي واشهد معاه انك نصابه
سميه :حلو اوي يا حبيبي اعملها علشان ابلغ عن المخزن اللي مليان مخدرات ولا فاكر اني مش عارفه اتفرج علي الفديو ده وقولي رايك اي وشاف ايمن الفديو
ايمن :الله يخربيتك مين اللي صور الفديو ده
سميه :انا يا حبيبي معقول انا هخلي حد يصور جوزي حبيبي من زمان وانا شكه فيك وقولت يابت عيشي طلما بتخدي الفلوس اللي انتي عايزها خالص الموضوع انتهي انما بقي لما قولت ليا فكره ان نزور البيت وبعدها نقتل اخويا 😮😮😮
قولت انت بتعمل كده علشان تلوي دراعي بس مش هكدب عليك الفكره عجبتني اوي أن البيت يبقي ملكي واخويا كان تعبان يعني كده كده ميت بس قولت لازم انا كمان امسك عليك وحده زي ما انت ماسك عليا وحده خصوصاً انك مش رديت انت اللي تقتل اخويا بايدك وانا اللي اقتله فروحت يوم ما جالك التلفون بليل
فلاش باك
تلفون ايمن بيرن
ايمن :الو ايوه مين
محروس :انا محروس معلش موبيلي فصل بقول لحضرتك اي البضاعه جايه دلوقتي
ايمن :مش انت قولت جايه الصبح
محروس :النهار ليه عنين خلينا في الليل احسن
ايمن: طيب هقوم اللبس واجي
سميه :اي رايح فين
ايمن :عندي شغل ولازم اروح المخزن دلوقتي
سميه :دي الساعه٤الفجر متخليها الصبح
ايمن :حد يقول للشغل لا انا نازل ونزل وقامت لبست سميه ونزلت ورا عالمخزن
ايمن ؛افقل الباب كويس يا محروس
محروس :كله امان يا باشا وكانت مستخبيه سميه ورا العربيه وشافت ايمن وهو بيطلع المخدرات
سميه :ينهارك اسود مخدرات اسود ليه لا ده ابيض والوان فاتحه فديو حلو بقي لمراتك حبيبتك وسجلت ليه الفديو واستخبت في شنطه عربيه ايمن
ايمن:انتي اي شيطانه حيه منك لله يا شيخه
سميه :ليه يا حبيبي هو انا اقدر ابلغ عن جوزي حبيبي الا لو هو بلغ عني خلي لسانك جوا بوق وانا كمان هعمل كده
وفيه شقه الحاج عباس ابو فاطمه
الحاج عباس :فرشتي الشقه يا فاطمه
فاطمه :ايوه يا بابا ربنا يخليك لينا ياقلبي
الحاج عباس :يااااه اخيرا هيبقي للبيت حس
ماجد :انا اسف والله يا عمي بس فتره بس وهمشي عالطول
الحاج عباس :تصدق عيب كده الشقه تحت فاضيه جدا نورتي يا حاجه معلش انا اسف من مقابلتي في الاول بس بصراحه كنت مصدوم بس منوره بيت ابنك برضه
اميره :اصيل يا حاج والله عرفت دلوقتي بنتك طالعه لمين
ماجد :انا نازل شويه وجاي عالطول
فاطمه :رايح فين والنبي مش عايزين مشاكل
الله يخليك
ماجد :لا متخافيش هنزل شويه والله وهاجي عالطول
فاطمه :تمام يا حبيبي متتاخرش تعالي يا ماما ننزل اوريكي اوضتك بعد اذنك يا بابا
الحاج عباس:اتفضلوا عقبال ما ماما تحضر العشاء
ونزلت فاطمه وحماتها
فاطمه :والله يا ماما مبسوطه اوي انك نورتي حياتنا
اميره :بجد ربنا بيحب ابني أن كرمه ببنت أصول زيك يا فاطمه
فاطمه :والله ماجد فرحان بوجودك يا ماما بس هو مصدوم من كل شويه مفاجاه ليه انا الصبح هنزل اجيب لحضرتك هدوم جديده بس دي عبايه ماما اللبسها هي نظيفه والله
اميره :حبيبتي متحرمش منك يارب والساعه جت ٢وماجد لسه مجاش
فاطمه :انت فين بس يا ماجد حرام عليك القلق ده اميره خرجت من الاوضه
اميره :انتي لسه صاحيه يا فاطمه
فاطمه :انا خايفه اوي ماجد مجاش وموبيله مقفول والجرس رن
اميره :افتحي يارب يكون هو وفتحت وكان ماجد فعلا
فاطمه :اخس عليك يا ماجد كنت فين واي الدم اللي علي هدومك ده والباب خبط بطريقه فظيعه فتح ماجد
ماجد :ايوه يا حضرت الظابط خير
الظابط :انت ماجد سامح
ماجد:ايوه انا خير
الظابط :تعالي معانا بدون شوشره
وراح القسم وورا فاطمه واميره واول ما راح شاف ايمن جوز عمته
ايمن :منك لله يا مفتري تتدبح عمتك علشان البيت ملعون ابو الفلوس اللي تخليك تعمل كده
يتبع
تعليقات
إرسال تعليق