حصريآ علي دار المجد للقصص والروايات
رواية غلطه امي
غلطه امى
الحلقه الخامسه والسادسه👇👇
سامح :سيد انت اي اللي جابك هنا
سيد : هههههههههههه كنت لسه هقولك اي اللي جابك عند خطيبتي
سامح :خطيبتك ؟
سيد :اللي هتبقي خطيبتي يعني بعد اذنك بقي ومشي سامح وكل تفكيرو في ابنه هيعمل اي فيه اخواته اصلا كانو رامين الحمل علي مني ومكنوش بيسالو في الولد وهو انعقد من الجواز ومش عايز تاني بعد اللي حصل ياتري هعمل اي وروح البيت
سميه :مالك يا حبيبي فيك اي
سامح :مني خلتني اروح اتقدم ليها وفي الاخر طلعت بتاخد حقها في اللي عملته فيها من زمان
رانيا :بنت ال والله لوريها علي اللي هي عملته ده
سامح :خلاص منها لله اميره هي السبب فضلت تشغلني بيها لحد ما اتعلقت بيها وفي الاخر تعمل كده
سميه :خلاص يا حبيبي اطلع ريح شويه
سامح :ماجد فين
سميه :نايم يا حبيبي متخافش عليه
سامح :الولد من انهارده يتيم بالله عليكي شليه في عنيكي
سميه :اكيد يا حبيبي مش تخاف وطلع سامح
رانيا:والله لقول ليه أن كل اللي حصل ده لعبه وسخه من تأليف مني
سميه :ايوه علشان يرجع مراته وتنتقم مننا
رانيا :واحنا مالنا مني اللي عملت
سميه :اخرسي بقي اقفلي عالموضوع ده وانتي لو مكانها كنتي عملتي كده برضه
وتاني يوم قاعدين علي الفطار
سامح :انا جايلي شغل وفيه ايام مش هقدر ابات فيها في البيت
سميه :ربنا يقويك يا حبيبي براحتك يا قلبي بس كنت عايزه اتكلم معاك في موضوع
سامح :قولي يا حبيبتي سامعك
سميه :انت عارف ان رانيا فرحها الشهر الجاي وهتمشي من البيت
سامح :عقبالك يا حبيبتي انتي كمان
سميه :مهو ده الحوار ايمن جارنا مامته كلمتني وقالت إنه عايز يكلمك أننا نتجوز
سامح :الف الف مبروك يا حبيبتي طبعا الواد محترم جدا
سميه :بس المشكله ان مش عندو شقه وانا هربي ابنك وعايزه يتربي قدام عينك
سامح :ايوه يعني عايزه اي مش فاهم
سميه :انا راي نتجوز هنا ومنه اربي ابنك برضه ويبقي قدام عنيك ولما تسافر انا هاخد بالي منه
سامح :خلي يجي يتكلم وربنا يحلها يا سميه
سميه:بس انت حبيبي قولت انك مش هتتجوز تاني صح
سامح :لا انا هعيش لابني وبس
سميه :طيب تضايق لو خد شقتك وانت تاخد شقه ابوك
سامح :طيب ليه ما يوضب شقه ابوكي ويتجوز مهو لو هو كان جاب شقه كان وضبها برضه
سميه :معلش والله انت عارف ظروفهم صعبه ازاي ومتزعلش مني يا اخويا محدش هيوافق أنه يربي ابنك بعد ما اتجوز ودي فرصه علشان نكسر عينه وميقدرش يتكلم
سامح :تكسري عينه هو ولا عيني انا عالعموم ماشي اعملي اللي انتي عايزاه
سميه :حبيبي يا اخويا ربنا يخليك ليا
رانيا :وده اسمه اي بقي انشاله
سامح :مالك انتي كمان
رانيا :كده انتو خدوا ورثكم من ميراث بابا وانا اي
سامح :انا هبني ليكي شقه فوق اختك يا حبيبتي متزعليش
رانيا :حبيبي يا اخويا ربنا يخليك ليا اللهم امين
سامح: ويخليكوا ليا يا قلبي وفي يوم فرح رانيا الكل كان فرحان ومبسوط ومني حضرت الفرح وكانت ماسكه ايد خطيبها سيد وقبل ما يوصلوا القاعه عربيه العريس عملت حادثه وماتت اخته رانيا والكل كان منهار بسببها وسميه كانت حطاه في دماغها أن ذنب اميره
وكانت مني قاعده هي و سميه في الأوضه
سميه :بكره الدور علينا
مني :انتي بتقولي اي
سميه :اللي حصل ده دعوه مظلومه واكيد اميره هي السبب احنا اللي عملنا فيها كده
مني :اخرسي انتي بتقولي اي اللي حصل ده نصيب مش الهبل اللي بتقولي ده
سميه :انتي اي يا شيخه مافيش في قلبك ذره رحمه احنا افترينا عليها بسببك كل ده علشان تنتقمي من اخويا
مني :انتي شكلك موت اختك جننك بقولك اي انا ماشيه بس خليكي فاكره اخوكي مش هيسمي عليكي لو عرف وكمان الشقه اللي كنتي هتتجوزي فيها ده بح يلا سلام ومشيت وشويه والموضوع عدا علي سميه واتجوزت وكانت الاول يتعامل ماجد زي ابنها لحد ما ربنا كرمها اه كانت بتحبه بس مش زي ابنها لحد ما كبر ماجد واتجوز معاهم في البيت في اخر دور ومات ابوه وظهرت امه وكانت طبعا لما سميه بتحكي الحكايه لماجد مش قالت الحقيقه قالت اللي كان أبوه عارفه بس أن أمه خانته مع واحد وأن فعلا ابوه بعت لابوها يخدها وبعد ما خلصت كلام
ماجد : هههههههههههه انا بحلم صح قولو اني بحلم
سميه :دي الحقيقه بس مكنش ينفع اقولك لان ابوك كان مش هيسكت ليا
اميره :والله يا حبيبي ابوك فهم غلط انا معملتش كده وربنا شاهد
ماجد :ايوه يعني انتي بعد العمر ده لنا كبرت واتجوزت وخلفت أقول أن امي عايشه بعد ما رمتني وانا صغير
اميره :انا مكنش ينفع أظهر ابوك مكنش هيسبني في حالي والله يا ماجد
ماجد :انا اسف مش هينفع تظهري في حياتي تاني انا بقي ليا زوجه واطفال ومش هينفع اجي بعد العمر ده اقول أن امي عايشه ارجوكي امشي وكملي حياتك لوحدك تاني
اميره :انا كنت باجي كل فتره بعد ما ابويا مات واشوفك من بعيد لبعيد ارجوك يا ابني انا ولا فكرت اتجوز ولا اعيش حياتي من غيرك متعملش فيا كده والنبي
ماجد :عمتي أنا طالع شقتي لو سمحت العزاء خلص
سميه :اطلع يا حبيبي ريح جسمك وانتي يا اميره لوسمحتى امشي من هنا
ومشيت اميره وهي مكسوره وطلع ماجد الشقه لقاه فاطمه بتلم هدومها
ماجد :انتي بتعملي اي يا فاطمه
فاطمه :رايحه بيت ابويا ومش عايزه اعرفك تاني انا سمعت كل حاجه وعايزه أطلق لو سمحت بدون فضائح ولا مشاكل مفهوم
_____________________________________
غلطه امى
الحلقه السادسه 👇👇👇
ماجد :انتي بتبعيني في اكتر وقت انا عايزك فيه ليه كده
فاطمه : هههههههههههه غريبه مع انك بعت امك في اكتر وقت هي عايزاك فيه بتوجع صح يا ماجد
ماجد :مين امي انا معرفهاش ويوم ما عرفتها لقيت وراها فضائح يعني لما تروحي لابوكي وتقولي ليه أن ماجد امه عايشه وكمان انطلقت بفضيحه ده عادي
فاطمه :اسمعني يا ماجد انا اول مره اشوف الست دي صح انا مش بنتها بس حاسه انها صادقه في كلامها ومن زمان وانا اقولك أن مش مرتاحه لعمتك سميه دي
ماجد :عمتي اللي ربتني كانت قادره انها تتجوز برا وتسبني في البيت لوحدي معملتش كده
فاطمه :انا بحبك يا ماجد اوي وانت بعت اقرب ناس ليك ومش هرجع البيت الا لما تشوف موضوع مامتك دي حتي لو غلطت غلطه زمان اتحاسبت عليها عمرها كله دي لو انسانه مش كويسه كانت اتجوزت بعد باباك مهي ماشيه غلط بقي كانت هتفضل طول عمرها في الغلط متبقاش قاسي عليها انت كمان يا ماجد زي ما باباك عمل
ماجد :هي مشيت وانا معرفش حاجه عنها والله
فاطمه :قولي أن في نيتك انك تدور عليها وانا هساعدك زي ما باباك عرف يوصل لباباها احنا كمان هنقدر نوصل ليها وفي شقه سميه بتتصل بمني
سميه :الو ايوه يا مني عامله اي
مني :مين معايا
سميه :الله يخربيتك انتي مسحتي
رقمي يا بت
مني :عرفتك يا ام لسان طويل ازيك يا سميه عامله اي اي يابت اللي فكرك بيا بعد الوقت ده كله
سميه :مصيبه ياختي وجت علي دماغنا
مني :خير فيه اي طمنيني
سميه :اميره جت انهارده العزا
مني :اميره مين وعزا مين
سميه :عزا سامح اخويا
مني :يالهوي هو سامح مات وازاي متقوليش ليا
سميه :الله يخربيتك انا بقول اي وانتي بتقولي اي بقولك اميره جت
مني :مين اميره دي
سميه :مرات سامح اقصد طليقه سامح
مني :ينهار اسود جت تعمل اي دي
سميه :جت بس انا اللي عرفت ماجد الموضوع من أوله للاخرو وطبعا قولت الموضوع بطرقتنا احنا
مني :وماجد عمل اي يعني
سميه :الحمد لله مشاها وقال انا امي ماتت
مني :طيب خلاص الموضوع خلص انتي ازاي بقي سامح يموت وانا معرفش
سميه :اي جايه تشمتي فيه بعد ما مات
مني :بقولك اي متعمليش انك بتحبي ياختي المسلسلات دي متخلش عليا انا عارفه وانتي عارفه انك سرقتي وسرقتي اختك رانيا بعد موت ابوكي فلاش باك
مني :يووووو حبكت يعني نروق انهارده ما كنا صبرنا لما رانيا تكون جت من برا واشتغلت معانا
سميه :بقولك اي عايزه اشيل عفش بابا ده علشان الحق انزل عفش سامح هنا عايزه اوضب الشقه بقي
مني :اموت وافهم عرفتي تخدي الشقه منه ازاي
سميه :مهو البركه فيكي عقدتي من الجواز بسبب الحركه اللي عملتيها في دي
مني : امال كنتي عايزه اسيب حقي يعني كان لازم ارد ليه القلم اتنين
سميه :طيب شيلي ياختي مش عارفه بابا حاطط الكراتين دي كده ليه وفتحت الكرتونه ولقتها كلها فلوس ومعاها جواب مكتوب فيه
اولادي الاعزاء انا عارف اني كنت بخيل عليكم جدا الفلوس دي كل ما اتحكم عليه انا حبيت اعملها ليكوا مفاجاه بعد وفاتي لان عارف ان يستحيل حد يعرف يفتحها وانا عايش الفلوس دي ليكم انتو التلاته سامح وسميه ورانيا و اوعي يا سامح تاخد حق اخواتك تشيل نصبهم في البنك كل وحده باسمها
مني :ينهار اسود علي غبائي والحركه الزفت اللي عملتها ازاي ارفض سامح
سميه : هههههههههههه طول عمرك مستغله بس احنا فيها
مني :اي هاتحاولي ترجعني لسامح
سميه :لا هديكي ١٠٠الف جنيه مش اللي يهمك الفلوس
مني :مقابل اي
سميه :محدش يعرف حاجه عن الفلوس دي
مني :الفلوس شكلها كتير عايزه تضحكي عليا ب١٠٠الف بس
سميه :مش هنضحك علي بعض سامح عمره ما هيرجع ليكي بعد اللي عملتي تخدي الفلوس وانتي ساكته ولا اقول لاخواتي عالفلوس وتتمتع احنا بيها وخلاص
مني :ماشي يا سميه موافقه انتي مش سهله والله
سميه :بعض ما عندكم يا روحي وخدت مني الفلوس وسميه شالت باقي الفلوس ومحدش من اخوتها عرف بيها حاجه
سميه :مني انتي عامله تفتحي في القديم ليه اي اللي جاب سيره الفلوس دلوقتي اخويا والله يرحمه مات الموضوع انتهي
مني :خلاص براحه في اي المهم أن ماجد مشا أمه المشكله خلصت سلام وقفلت السكه وجوزها سيد دخل
سيد :اي اللي سمعته ده بقي
مني ؛سمعت اي مش فاهمه
سيد :خسرت صاحبي بسببك وكمان تطلعي سرقه فلوسه انتي واخته
مني :لا يا حبيبي انا مش سرقت حاجه أخته اللي سرقت انا مالي انا خدت تمن سكاتي بس
سيد :انتي اي شيطانه وازاي امه تروح انهارده وتقولة ليها الكلام ده
مني :هو انا قولت حاجه اللي قالت سميه عمته انا مالي
سيد :منكم لله وانا كمان علشان مشيت وراكم وخسرت صاحبي ومات انهارده وهو زعلان مني
مني :اوعي كده انت هتوجع دماغي
سيد :انا اللي غلطان اني مشيت ورا وحده زيك وفي شقه ماجد قاعد هو وفاطمه يفكرو هيعملوا اي الباب خبط فتحت فاطمه
فاطمه :ايوه مين حضرتك
سيد :انا زميل ابو جوزك ينفع ادخل
فاطمه :ايوه اتفضل اهلا بيك ودخل
ماجد :ايوه مين حضرتك
سيد :انا زميل والدك
ماجد :بس انا اول مره اشوف حضرتك
سيد :ومش اخر مره لان عارف انك اكيد محتاجني اوي اليومين دول
يتبع
تعليقات
إرسال تعليق