الاسطي فرح بقلم آيه امير

الاسطي فرح بقلم آيه امير

 الاسطا فرح احتفاليه الاقلام الذهبية 

الاسطي فرح بقلم آيه امير احتفاليه الاقلام الذهبية

الراعي الرسمي الاحتفالية

 المجد للقصص والروايات 

الاسطا فرح بقلمي اية امير

   في حاره شعبيه و خصوصا في ورشه كانت واقفه بطلتنا شغاله و هيه خافيه كل ملامح الانوثه اللي فيها بلبس اللي زي الولاد و كاب اللي علطول مخبيه بيه بشعرها ورغم كل ده جميله اوي  و كانت تحت العربيه بتشوف شغلها 

 عصام ..يا فرح يا فرح 

فرح خرجت من تحت العربيه.  يا راجل قولت لك طول ما انا بلاش تقولي فرح دي بذمتك الشكل ده و الهدوم دي و تقولي فرح 

عصام و يبقي صاحب الورشه و بيحب فرح اوي زي بنته و فرح كمان بتعتبره زي باباها 

عصام .. ما انتي اللي عامله في نفسك كده ياختي اقولك اي يعني)

  فرح ..اي حاجه بس بلاش فرح دي )

  

عصام .. ماشي يا ست حوكشه

 بصيت له .. حوكشه هو انت معندكش وسط يا كده يا كده اي يا راجل انت)

 عصام .. اعمل معاكي اي مش عارف قولي عايزاني اقولك اي طيب )

فرح .. اسطوانه كل يوم دي ياربي عليك بطني صدعت اه يا بطني

ضرب كف علي كف بقله حيله منها و هيه ضحكت ..يا راجل يا سكره  هدي اعصابك احسن تجلط مني 

 عصام . روحي شوفي شغلك يا فرح قبل ما تنقط 

 فرح ..استني استني 

وراحت جابت له جردل ..خد ده ياعم ها تغرق الورشه وانا ناقصه قال تنقط قال )

 عصام..يا صبر ايوب اعمل فيكي اي مش عارف والله )

 وهيه ضحكت من كل قلبها ..مش عايزه تنقط فيه يسطا

عصام.  امشي قبل ما اديكي بيه )

و فضلوا يضحكوا و هيه راحت تشوف شغلها و كان عصام مبسوط لان فرح بميت راجل و بيحب شخصيه فرح القويه و في نفس الوقت المرحه) 

    و كان بطلع فرح كل طاقتها في الشغل كانت بتحاول تنسي جرحها و تخبي نفسها ورا كل ده )

           و في شركه كبيره اوي و حلوة اوي 

 دخل بطلنا بكل غرور و كان وراه علطول اتنين من الحرس ماشين وراه ماشي وهو حاطط في جيبه بكل وقار و كبرياء و نضاره علي وشه 

صقر. .. خلاص روح انت وهو 

  الحارس مازن ..بس حضرتك عارف اننا لازم نكون وراك اخر مره الأعداء حاولوا يخلصوا عليك زي ما انت عارف 

بص له .. متخفوش انا دلوقتي في شركتي و شركه هنا امان اوي روح يا مازن انت و علي

علي ..لا حضرتك هنفضل قدام مكتبك

صقر . انا قادر احمي نفسي كويس اوي بلاش تشيلوا هم ويلا اطلعوا استنوا برا ولو حد عايز يمشي مافيش مانع 

 

و دخل علي مكتبه و شال النضرات من عليه وخد نفس طويل اوي صقر القاسم راجل اعمال مشهور اوي و كبير و لي أعداء كتير بسبب نجاح صقر في شغله و اصغر راجل اعمال في السوق و عمره ٢٩ سنه و شاب وسيم اوي  

     دخلت عليه السكرتيره ..استاذ صقر في اجتماع من الساعه ٢ و في اجتماع الساعه ٥ 

 صقر .. تمام جهزي كل حاجه يا لينا

لينا بصيت بإعجاب وخدت نفس طويل اوي من ريحه برفانه اللي بتعشقها اوي 

بص لها . في حاجه يا لينا

لينا ..ياربي قرب يغمي عليا 

 صقر .. افندم في حاجه 

 لينا ... ها لا لا مافيش 

صقر ..روحي اعملي لي فنجان القهوه بتاعي و شوفي شغلك يا لينا تمام 

لينا بتوتر ..احم تمام يا استاذ صقر (

و خرجت و حطيت أيدها علي قلبها من كتر التوتر .. هو اللي يشوفك يبقي فيه عقل تقريبا انا نسيت العقل 

و ضحكت لقيت اللي مسكتها من قفاها )

 تغريد .في اي مالك واقفه كده ليه يا مسهوكه

بتوتر ..في اي وقعتي قلبي 

 تغريد ..روحي ياختي شوفي وراكي اي 

 لينا.. رايحه هو حد يعرف يعمل حاجه منكم 

ضحكت و تبقي تغريد سكرتيره المحاسب  و راحت لينا تجهز فنجان القهوه. .عقبال ما عملهالك في بيتنا يا حب عمري ..اه لو اتجوزك و ابقي حرم صقر القاسم لا لا دي الفكره بس طيرت قلبي 

و راحت دخلت له فنجان القهوه. . اتفضل

و هو خد ..في حاجه انتي لسه واقفه ليه 

بتوتر ..ها لا مافيش

صقر بغضب ..في اي انتي مش مركزه في شغلك ليه يا لينا انتي عارفه اني مبحبش اي تاثير في الشغل تمام 

لينا ..اسفه انا خارجه 

و خرجت بسرعه و حطيت أيدها علي قلبها . قلبتك وحشه اوي يا باي عليك 

و ضحكت علي شكل صقر وهو متعصب بشكل ده و صقر بدأ يشوف شغله و راح الاجتماع و بدأ يشوف شغله و الاجتماع و خلص الاجتماع )

     وخرج و كمل شغله وبعدين خلص وراح شاف الإجتماع التاني  و خلص كل شغله و خرج رجع علي الفيلا  و كانت فيلا حلوة و فخمه اوي و ديكور الفيلا جميل اوي 

  لاقي أخته الصغيره قاعده تحط منكير و بتهتم اوي ب بشرتها و كل حاجه و شكلها و لبسها و عمرها ٢٠ سنه و جميله اوي و اسمها نجمه

 صقر راح قعد جنبها ..يابنتي ارحمي نفسك

ضحكت . أبيه 

بص لها ..أبيه اي بقا اي اللي عماله تعمليه ده 

بصيت له. . اسكت انا حزينه اوي 

صقر بخوف مسك أيدها ..في اي يا حبيبتي مالك 

نجمه ..ضافري اتكسر وانا مقهوره اوي 

رفع حاجبه وبص لها بغضب .. نعم ياختي اي 

 ضحكت ..ضافري اه وبعدين شكلك بتتريق علي أحزاني 

ضحك 

.امشي يابت انا ناقص هبل ربنا يهديكي يا بنتي مش عارف اقولك اي طالع انام ومش عايز صداع خالص ماشي )

     و كانوا عمالين يضحكوا مع بعض وبعدين قام طلع اوضته دخل خد شاوره و خرج قعد قدام الاب توب و بدأ يشوف شغله 

صقر راجل عملي اوي و الشغل في حياته رقم واحد و شايف كل الاهميه دي ل شغل بس حتي في البيت بيكون شغال 

   يفضل شغال لحد ما يتعب و ينام من كتر التفكير و اتغلب عليه النوم و نام في ثبات عميق )

           و فرح خلصت شغلها وراحت رجعت البيت ..يارب تكون ست الكل نايمه مش ناقصه اسطوانه بتاعت كل يوم 

 لقيت النور كله مقفول كانت ماشيه علي طراطيف صوابعها مره واحده النور يتفتح . اي الرعب ده 

 لقيت امها رابطه دماغها زي مطلقات و قاعده لها ..احم  هو في حاجه يا ست الكل 

 عايده..تعالي يا اخرت صبري 

فرح .خير يا ماما في حاجه 

 عايده .. اعمل فيكي اي مش عارفه في بنت تشتغل في ورشه و علي اخرت الزمن الاسطا فرح 

بتوتر ..انا يا ماما وفيها اي 

عايده ..هو اي اللي فيها اي ياختي ده الناس نسيت تقريبا انك بنت ده الكل فاكر انك راجل. . يابت ها تبوري و تفضلي في وشي  اهتمي بنفسك شويه

فرح . اي ابور دي يا ماما عيب كده و علفكرة بقا محدش بيبور كل واحد و لي نصيبه ولازم اللي يتقبلني يقبلني زي ما انا . الشكل مش دائم يا ماما ..لكن روحي و جوهري ده معايا طول العمر انا عايزه واحد يقبل بيا انا زي ما انا الاسطا فرح اللي بيتقال عليها ذكر متنكر يحبني علشان جوهري يا ماما .. الشكل مع أول فرصه و مع اول بنت اجمل مني هيروح لها يا ماما افهميني بقا أرجوكي

 عايده...دي تلكيك يا روح امك

قفلت عينها و خدت نفس طويل اوي بحزن ..ماما صدقيني انا عايزه كده )

فرح..انا جعانه نوم 

و دخلت تاخد.شاور وقفت قدام المرايا و فكيت شعرها ز بصيت علي نفسها ..انا نسيت أن انا بنت )

و تبص علي نفسها في المرايا و تحط أيدها علي وشها وقفلت عينها بحزن كبير اوي و هيه مخنوقه

 فاقت علي اللي لقيته واقف جنبها و القرد اللي هيه مربياه فرح مربيه قرد 

 فرح...اي يا استاذ انت كمان جاي تقطع خلفي ولا جاي تديني كام كلمه سم مهو ناقصاك انا

و نزلت ل مستوي القرد .. تعرف انك صديقي الصدوق

و خدته في حضنها و هو مشي أيده علي شعرها .. حاسس بوجع صاحبتك مش كده يا سيد )

 القرد هز دماغه و تضحك . يلا ننام احسن جسمي مفتوح 

و خدته و نامت و بتحب أنه ينام جنبها و كانت عماله تفكر لحد ما يتغلب عليها النوم و نامت ) 

   و مر اليوم عليهم كلهم بشكل طبيعي ومن غير اي أحداث جديده و تاني يوم)

          صحيت فرح جهزت نفسها و تخفي اي حاجه تبين أنها انوثه و خرجت

 عايده ..تعالي يسطا حنفي 

فرح ..احم اي يا ماما ياحبيبتي هو في حاجه 

عايده..تعالا يالا اقولك مش عامله فيها ذكر ياختي 

 فرح ..ماما 

عايده ..تيجي بدري النهارده يا حنفي

 فرح...اي ده ليه 

عايده. .جبت لك عريس ياختي

فرح ..عريس عريس اي مش عايزه

عايده. عريس لعبه هو اي اللي عريس اي بقولك اي جنان مش عايزه تيجي بدري تمام ز الا انتي عارفه عصبيه امك عامله ازاي+

فرح. .ماما انا عمري ما اتجوز  بطريقه دي تمام 

  عايده ..ها تجوزي ة تيجي هنا علي الساعه ٧

 فرح ..أن شاء الله 

عايده ..حسك عينك متجيش 

فرح ..أن شاء الله يا ماما 

عايده ..تعالي كولي

فرح...مش جعانه سديتي نفسي يا حبيبتي

 و نزلت فرح و راحت علي الورشه و هيه مضايقه اوي و دخلت

عصام ..مالك يسطا فرح 

فرح... متقولش فرح

عصام..مالك يسطا غم ظلمك اللي سماكي كده 

فرح. . اه والله 

ضحك عليها ..في اي يابنتي مالك 

فرح .امي 

عصام ..مالها 

فرح

. عايزه نجلطني 

عصام .. اهو بتخلص اللي بتعمليه فيا 

فرح..هو انا ناقصه 

ضحك .في اي بس يا فرح 

فرح..جايب لي متعوس 

عصام .. اي متعوس ده بشر ولا حيوان ولا جنس ملته اي 

فرح.. عريس

عصام .اسمه متعوس ارفضي فورا ولا اقولك كملي مثل اتلم المتعوس علي خايب الرجا ..انتي خايب الرجا

فرح .. امشي من وشي يا راجل انت

فضل يضحك عليها ..ما تفكري يا بنتي الجواز سنه الحياه 

 فرح ..مش عايزه الجواز بطريقه دي 

 بص لها .. سيبها علي الله متعرفيش نصيبك فين ومع مين ولا حتي تشوفيه امتا 

وقفت بصيت علي الشارع وخدت نفس طويل.  عارف انا مش عايزه اي حد و خلاص انا عايزه حب صدفه يجي من غير ترتيب ولا مني ولا منه الصدف حلوة و يكون شايل كل الحب و مشاعر الحب دي ليا انا وبس .  يكون مستني أظهر في حياته و انا مستنيه يظهر في حياتي ..و يكون حاسس بيا دلوقتي و قلبه يدق و يحس اني نصه التاني .. صدفه تغير مجري حياتي كلها )

بص لها ..طلعتي شاعره يا بت الاسطا فرح تقول كده )

ضحكت و مسكت دموعها اللي نزلت .. اهو شويه كلام هو كلام بفلوس 

  عصام ..لا و كل حاجه ممكن في يوم من الايام تكون حقيقه يا حبيبتي

 تهز دماغها و تبتسم بهدوء و بدأت تشوف شغلها

      و عند صقر 

كان بيجهز نفسه علشان يروح الشركه جهز و كان في كامل وسامته و أناقته كالعاده و نزل علي تحت 

نجمه..انت يا وسيم 

ضحك وقرب منها ..اختي اللمضه الصغيره 

نجمه ..تعالا نفطر مع بعض يا حبيبي 

وراح يفطر معاها كان سرحان و حاسس قلبه عمال يدق جامد اوي )

نجمه ..اوبس جريمه يعاقب عليها القانون اعترف بتفكر في مين و اسمها اي و شكلها اي وزنها و طولها كام

 ضحك عليها وبص لها .. اي حيلك حيلك مافيش حد

نجمه ..الا بالحق يا صقورة مش ناوي تفرح قلب أختك بيك 

 ضحك ..لا لسه شويه

نجمه . ليه 

 بص لها ..مش عايز واحده من البنات اللي مرميه حواليا دول مافيش اكتر منهم

راح قام وقف و سرح . عايز بنت من عالم تاني تكون عايزاني علشان انا صقر القاسم راجل الأعمال الكبير لا ... عايزاها تكون حابنا انا مش فلوسي  ز تكون مختلفه كده 

بصيت له ..ياعيني ياعيني علي الكلام 

 ضحك عليها ..يلا يا لمضه ورايا شغل )

و خرج ركب العربيه و كانوا في العربيه اللي وراه حراسه وراح علي الشركه

 و بدأ يشوف شغله دخل خالد )

 خالد .. صقر 

صقر.  عايز اي يا سي زفت 

خالد. لازم تروح تشوف المشروع الخيري بنفسك

 صقر. .مش فاضي

خالد . الاطفال نفسهم يشوفوك اوي يا صقر

صقر .. طيب يا خالد امتا 

خالد..بكره أن شاء الله 

صقر .. تمام 

خرج خالد و ينادي صقر علي لينا )

 لينا . عايز حاجه

صقر .. اجلي اي حاجه ورايا بكره ل بعد بكره 

لينا ..ليه

صقر. .افندم   

لينا.. احم مكنتش اقصد 

و خرجت وهو كان سرحان خلص شغله و كانت حياته روتينه اوي كلها شغل بس )

         و عند فرح خلصت  شغلها و كل حاجه  .ياربي لما اشوف العريس ده و اطفش أهله 

  و ضحكت ورجعت البيت 

 عايده ..خشي جهزي نفسك

ضحكت .. حاضر يا ماما

 تستغرب من مواقفه بنتها بسهوله دي و فرح دخلت اوضه عايده ..ربنا يستر هدوء فرح ده مش مبشر خالص )

  و فرح قامت وقفت قدام الدولاب و طلعت لبس اسود في اسود 

    و ربطت دماغها زي المطلقه و حطيت مكياج بشكل عشوائي علشان تطلع شكلها مخيف )

 و ضحكت ..أما اشوف افكار مين اللي تمشي )

و ضحكت من كل قلبها  و سمعت خبط علي الباب و عرفت أن العريس وصل 

 

 فرح .عريس الغفلة وصل 

وضحكت بقوه كبيره اوي. عايده قعدت مع العريس ة مامته وبعد شويه تنادي علي فرح ..يا فرح 

فرح خرجت تصدم من شكل بنتها و الكل كان مصدوم اوي .. اي ده 

 ام العريس ..هيه دي الخدامه مش كده 

   عايده .ها لا دي بنتي 

 

بصوا لبعض و قعدت و كانت امها عماله تبص عليها بنظرات ناريه

عايده ..طب اي رايك نخليهم يتكلموا مع بعض 

 و قاموا و سابوا فرح مع العريس )

  

هادي ...مساء الخير يا انسه فرح 

تحول عينها ل شكل مخيف.  تعرف تجري 

بص لهل ..اي ليه 

   بصيت له .. أصل انا عليا يالهوي يالهوي

بص لهل ..عليكي عليكي اي 

فرح... جن مجنون قالي يا بت يا فروحه لو فكرتي تجوزي عارفه هعمل في جوزك اي 

بصدمه ..اي 

 فرح ..  يحمره

 هادي ..محمر

فرح ..و يشنقه 

 هادي .. لدرجادي

  فرح ..اسكت اسكت و متعرفش قالي اي كمان 

هادي .هو لسه في تاني)

فرح ..قالي ها يشيل عينه من مكانها

هادي 

.احم ياعيني عليكي 

فرح .. متعرفش عمل فيا اي 

هادي ..اي يا حزينه 

فرح .. خلاني عندي حاله صرع )

 هادي ..وصلت ل صرع 

فرح.  و أكتشفت حاجه كده 

هادي..اي 

فرح ..بتحول زومبي 

هادي .. زومبي

فرح ..اي رايك تكوني زومبي بتاعي و انا زومبيه حلوة ازاي )

قام وقف ..يا ماما بل ماما

خرجت الام ..في اي 

بص لها ..يلا نهرب بسرعه

و طلع يجري هو و أمه و هيه مكانتش قادره من كتر الضحك )

بصيت لها عايده و تجري وراها ..خدي يا بنت 

  طلعت وقفت لها فوق الكرسي..فكري تقربي مني و انا ارمي نفسي من فوق الكرسي و ذنبي في رقبتك 

  عايده ..يا بنت المجانين

 فرح ..احم ماما عيب كده تشتمي نفسك 

عايده تضرب كف علي كف .. اعمل فيكي اي و اي الهباب اللي في شكلك ده 

  فرح ..نيو لوك جديد يا ماما عاجبك متاكده انه عاجبك.. ماما الحقي بصي هناك كده 

 تبص و راحت نزلت تجري دخلت اوضه و قفلت عينها ..ها تروحي مني فين 

فرح.

.انا مش رايحه حته قاعده علي قلبك و مربعه يا عمري

 ضحكت عليها .. مجنونه اقول اي )

و دخلت تنام عايده و كانت فرح عماله تفكر و تضحك و مكانتش عارفه تعمل اي ) 

            و مر اليوم  عليهم بشكل عادي ومن غير اي أحداث جديده و تاني يوم )

             نزلت فرح راحت علي الورشه ..اتوكلنا علي الله 

     و جهز نفسه صقر علشان يروح يشوف مشروع الخيري و جهز وركب العربيه مع خالد و كانوا في طريق

خالد..عرفك اكيد قرفان علشان رايحين حاره شعبيه )

 بص له ..خالص بحب الهدةء و البساطه )

 خالد.. صقر القاسم غريبه 

بص له ..فيها اي هو انا مش بني ادم.

ضحك..طبعا 

وصلوا  الحاره الشعبيه و دخل بدأ يشوف مشروعه و كانت جمعيه خيريه )

بدأ يشوف الجمعيه و كان جايب هدايه ل اطفال و كل و عمال يوزع عليهم 

الأطفال كانوا مبسوطين اوي وهو كمان كان مبسوط اوي وسطهم )

و خلص لف في جمعيه الخيريه ..لو في اي حاجه ناقصه ادوني خبر علطول

مديره . حاضر

و قام. خرج راح يركب العربيه لاقي أن العربيه عطلت ..هو ده وقته 

   خالد.

اي ده 

صقر ..مش عارف اشوف فين ورشه هنا 

 خالد.

تعالا نسأل

و سالوا و ناس قالت له علي ورشه عصام وراحوا خدوا العربيه عند ورشه عصام 

    يجي تلفون ل خالد أن مامته تعبانه .. انا لازم امشي 

صقر ..ليه 

 خالد..ماما تعبانه اوي 

صقر .. طب روح و انا اخلص العربيه و اخدها و امشي 

خالد..طيب 

وخد تاكسي بسرعه و مشي خالد

صقر .. هو لسه كتير حضرتك 

 عصام.. الاسطا جاي بس 

و جت فرح و قربت 

عصام .. شوفي الاستاذ

و قربت منه و اول ما شافته دق قلبها مكانتش فهمه ليه و مالها وفيها اي 

صقر .. ممكن تشوف العربيه مالها عطلت مره واحده 

فرح تهز دماغها . اتفضل ارتاح هنا 

و بدأت تشوف العربيه و صقر كان فاكر أن فرح ولد مجاش في باله نهائي أن فرح بنت مش ولد )

    و فرح ..العربيه لازم تفضل هنا ل بكره محتاجه شغل كتير اوي

بص لها .. اي 

فرح.. أيوة 

صقر ..لو استني مافيش مشكله

فرح...صدقني محتاجه شغل علشان تكون كويسه 

صقر ..طيب خد الكارت بتاعي اول ما تخلص العربيه كلمني

تمد أيدها و من غير قصد ايدهم لمست ايد بعض صقر استغرب من نعومه ايد فرح وفي سره .. في راجل أيده ناعمه اوي كده 

و هيه حسيت انها متوتره و كان وش فرح احمر اوي 

  فرح .اول ما تخلص هكلمك 

 هز دماغه .. تمام عن اذنك وده حساب 

فرح..لا لما تيجي تاخد العربيه 

صقر ..لا اتفضل

خدت منه وهو راح وقف تاكسي ومشي وهو مش عارف ماله ..مش عارف قلبي عمال يدق اوي كده ليه 

 كان مستغرب اوي من نفسه وراح وصل الفيلا 

 عصام .

فرح يا فرح سرحانه كده ليه

فرح ..اي 

عصام ..هو في حاجه 

فرح..لا عايزه امشي

عصام .

ماشي 

فرح .. علشان اجي بدري اخلص العربيه دي 

عصام ..ماشي 

و مشيت و هيه سرحانه و عماله تفكر وهيه ماشيه خبطت في واحد و اول ما شافته تتعصب

احمد ...الاسطا

فرح ..اوعي من وشي

ضحك .. كويس اني سيبت واحده زيك شكلك مضحك اوي اوي )

فرح .. انا اللي مبسوطه اني بعدت عنك 

وراحت مشيت من قدامه بسرعه طلعت علي الشقه و لما شافت احمد افتكرت كل حاجه ؟

      و تعالوا نروح فلاش باك

كانت ساعتها فرح بتلبس عادي و كانت جميله اوي بمعني الكلمه و كانوا كل الحته عينهم عليها )

    و أحمد أولهم و فضل وراها لحد ما وقع فرح في حبه 

  وفي يوم كان قاعد مع صاحبه في كافيه 

حسن .حبيت فرح علي كده 

ضحك ..احب مين قول كلام غير ده 

حسن .. اي قصدك اي 

  احمد . قصدي اني عايز اتسلي بيها يومين مهو مكنش قادر يوقع الهانم وانا قدرت

  جت في الوقت ده فرح ز كانت واقفه تسمع الكلام 

حسن .اي معقول

ضحك...انا عايز اخد اللي انا عايزه بس منها و ساعتها ارميها

حسن .. خلينا ننوبنا من الحب جانب 

ضحك ..عيوني 

 و كانوا عمالين يضحكوا بكل سخريه و هيه مصدومه وقعت شنطه فرح علي الارض خد باله هو. .فرح 

تصدم ..انت تعمل فيا انا كده

احمد..فرح انتي فهمه غلط 

فرح .. ..لا فهمت صح ..انا كنت فهمه مشاعرك غلط اه لكن كل وضحت قدام عيني مش عايزه اشوف وشك مره تانيه انت فاهم

و مشيت و هيه قلبها مكسور ..ده درس حياتي

وقفلت عينها بحزن كبير اوي و من ساعتها ده كان سبب تحول شخصيه فرح بشكل ده و بقيت ماشيه كأنها ولد

   عوده من الفلاش باك

  فرح .و علشان كده بقيت كده وعايزه اللي يقع في حبي يحبني علشان انا مش علشان شكلي

و قفلت عينها بحزن كبير اوي كانت حزينه من كل اللي عمال يحصل فيها مكانتش قادره تصدق اي حاجه لتحصل معاها 

خدت نفس طويل اوي و فضلت تفكر 

     و مر اليوم و تاني صقر حس انه عايز يروح الحاره وفعلا راح 

   عايده ..بت يا فرح

فرح .. نعم

عايده ..خدي انشري الغسيل 

ده 

فرح . لازم امشي 

عايده ..اخلصي ياختي ولا صدقتي انك ولد )

 فرح ..هاتي

و دخلت البلكونه علشان تنشر الغسيل في الوقت ده يتفك شعرها و كانت عماله تنشر كان معدي في الوقت ده صقر وهيه مخدتش بالها و كان في مياه في طبق الغسيل تدلق المياه وقعت عليه

صقر ..اي ده 

فرح تصدم و خصوصا لما شافت صقر 

 صقر ..اي ده 

فرح..اي حيلك حيلك في اي غسيل بتاعنا نضيف يا خويا 

صقر ..هو في حد يعمل كده 

فرح .

اه انا اذا كان عاجبك وبلا امشي قبل ما انزل لك 

صقر ..اي طريقه دي 

فرح .ده اللي عندي و بعدين اهو خدت شاور حلو 

صقر ..والله حد قالك اني معفن

فرح .لا انا حسيت مش محتاج تقول 

صقر .

قليله ذوق 

فرح .. بلاش تخليني انزل لك 

صقر ..مقرفه 

وراح مشي و فرح تتعصب ماله ده ز دخلت جهزت نفسها و خفيت كل ملامح وشها و نزلت راحت علي الورشه و بدأت تشوف شغلها و كانت متعصبه و عماله تبص ل صقر

صقر كان عمال يفكر في فرح ..كانت جميله اوي بس طريقتها بيئه اوي . بس معقول في جمال كده شعرها حلو اوي اي ده في اي مالي انا واحده زي دي تشغل بالي بطل جنان يا صقر

كانت عماله تبص ل صقر وهو سرحان و من غير قصد تتوجع ..اه 

بص لها ..في حاجه

تتوتر اوي من نظرات عيونه ليها بشكل ده ..ياربي هو في اي ماله ده )

و خلصت العربيه .. خلصت 

صقر ..تمام شكرا 

و يديها فلوس فرح .لا فلوس امبارح كفايه 

صقر ..لا دول ليك 

     فرح ..ناوي تبقشقش عليا ولا اي 

 صقر .. لا عادي فهمت غلط 

  مكانتش عارفه ليه زعلت لما كلمها بصغه أنها ولد مع انها بتفرح لما يتكلموا معاها كأنها ولد 

  وفي الوقت ده وقعت بطاقه صقر و مخدش باله ولا هيه كمان )

صقر ..شكرا شكل شغلك حلو اوي 

فرح . شكرا

و ساق العربيه و هيه فضلت تبص عليه لحد ما يختفي خالص من قدام عينها )

  و هيه كانت عماله تفكر بصيت لقيت بطاقه صقر مرميه . اي ده 

و خدت بطاقه .. وقعت منه أكلمه بكره أقوله 

و كانت متوتره و عماله تبص علي صوره صقر و لقيت نفسها بتمشي أيدها غلي وش صقر

 فرح..اي ده انا بعمل اي في اي )

 و بعدين رجعت علي البيت و هيه عماله تفكر فيه 

و هو عمال يفكر فيها و هيه عماله تعمل كده ز كان سرحان فيها وفي اللي عملته . مجنونه 

 و هما الاتنين كانوا عقلهم مشغول اوي 

              و تاني يوم نزل راح علي الشركه و خد باله أن بطاقه مش موجوده .اي ده راحت فين 

و فضل يدور عليها و مكنش عارف هيه راحت فين ..اي ده 

و افتكر . معقول وقعت في الورشة

و كان عمال يفكر و فرح عماله تدور علي الكارت بتاع صفر ..فين كارت كان هنا 

قلبت عليه الدنيا ومش لاقيه الكارت خالص و كانت عماله تفكر ازاي تقول ل صقر 

فرح ..اي الحظ ده معرفش فين الكارت 

 و كانت حزينه اوي وهو قرر بعد ما يخلص يروح عاي الحاره

و هيه كانت مشغوله و عماله تشوف شغلها وهو كمان و خلص شغله

 و فعلا راح علي الورشه كان روح عصام و هيه بتقفل الورشه 

  قرب .. استني

بصيت لع و اول ما شافته دق قلبها جامد اوي .. أستاذ صقر

صقر .اه انا شكلي وقعت مني بطاقه هنا 

هزت دماغها ..اه اتفضل فضلت ادور علي الكارت كتير و للاسف شكله ضاع 

صقر ..ولا يهمك 

وخد منها بطاقه و سلم عليها و هيه حسيت أن قلبها قرب خلاص يخرج من مكانه وهو حس إحساس غريب اوي راحت شديت أيدها منه بسرعه 

فرح... عن اذنك 

 صقر هز دماغه ..حقيقي صلحت العربيه بشكل كويس اوي أنت ممتاز

تهز دماغها ..شكرا عايز حاجه

صقر ..لا 

ومشيت من قدامه و هيه متوتره اوي و حطيت أيدها علي أيدها اللي كانت في أيده و لقيت ريحه برفان صقر في أيدها خدت نفس طويل اوي من ريحه برفانه

   فرح..اي ده مالي

و مر يجي اسبوع من غير اي أحداث جديده و كانت هيه عايزه تشوف صقر اوي 

و كان صقر عمال يفكر في فرح و كان هو كمان حابب يروح الحاره علشان يشوف البنت اللي دلقت عليه المياه و ضحك اول ما افتكر فرح

 صقر .. هروح بكره 

و فضل يفكر لحد ما نام و تاني يزم.

عايده.. بت يا فرح انزلي جيبي فطار و لبن 

 فرح..ياربي حاضر

دخلت تجهز راحت شديت كاب من عليها و تسيب لها شعرها..خليه كده حلو اوي 

فرح..ماما 

عايده . اسمعي كلامي 

تهز دماغها و نزلت و مكانتش عارفه هيه ليه سمعت كلام امها بشكل ده و راحت وقفت في المطعم جابت فطار وهيه ماشيه خبطت في حد وكان صقر

بصدمه ..هو انت 

لما شافها مكنش مصدق نفسه  .هو انتي 

و تتقابل عينهم في نظره طويله اوي مليانه كلام كتير كانوا عمالين يبصوا لبعض بس )

  فرح..عن اذنك

مسك أيدها . تصدقي لو قولت لك جيت علشان اشوفك

فرح دق قلبها .. اي

 صقر.  أيوة والله العظيم

تتوتر ..ها ليه

صقر. .مش عارف هو ممكن اعزمك علي في مكان نتكلم فيه 

فرح.

لا 

صقر .. طب خدي الكارت بتاعي لو غيرتي رايك كلميني علطول 

تهز دماغها .. ماشي 

و راحت مشيت كام خطوه .. اسمك اي 

بصيت له ..فرح 

و جريت وهو ضحك عليها و كان عمال يضحك و تطلع علي فوق و هيه سرحانه و عماله تبص علي الكارت .. اعمل اي مش عارفه 

و كانت عماله تفكر وهو كان عنده امل كبير اوي تكلمه و كانت عماله تفكر ومش عارفه تعمل اي 

 مر اسبوع ومن غير ما تكلمه وهو كان حزين اوي 

و هيه لسه عماله تفكر فيه ز مش عارفه هيه صح ولا غلط 

خدت نفس طويل اوي كتبت رقمه و ترن كان في إجتماع و عامل تلفونه صامت ..مش عايز يرد عنه ما رد

و تسيب التلفون و هيه مضايقه اوي 

 و صقر خلص الاجتماع و بص في تلفون اللي كان صامت ..رقم غريب 

راح دق قلبه .. معقول هيه 

وراح رن و هيه مكانتش عارفه ترد ولا لا .. الو

 فرح..الو 

صقر. .كنت حاسس انك انتي 

فرح..اي الثقه دي 

صقر.  مش عارف

فرح ..انا موافقه 

بفرحه .. بجد

فرح .اه 

صقر. .طيب تتقابل بكره 

فرح.. خلاص ماشي موافقه

صقر.  في 

و قالها علي المكان و قفلت معاه ومش قادره تعرف هيه صح ولا غلط )

   و فضلت تفكر تلبس اي ..اروح له غلي طبيعتي ولازم يعرف أن انا نفس البنت اللي صلحت له العربيه

و قررت تروح له كده وقربت من القرد..سيد اعمل حسابك تيجي معايا و بطل كسل ماشي يا خويا )

وضحكت و نامت و تاني يوم قامت جهزت نفسها و تسيب شعرها بس حطيت الكاب عل

 شعرها

 وراحت علي المكان كان هو جهز نفسه عمال يدور عليها ومش عارف هيع فين تشاور له استغرب ..اي ده 

وراح قرب ..مش انت بتاع العربيه 

 ر

فرح ..انا فرح 

بصدمه .. بجد

فرح..اه و قولت لازم تعرف الاول انا اي و الحقيقه

بص عاي القرد .. اي ده 

فرح...ده سيد صديقي الصدوق )

 ضحك عليها. .يا شيخه

فضل يتكلموا مع بعض و هيه كانت حاسه إحساس غريب اوي عليها مكانتش فهمه هيه مالها 

   

وهو كمان كان مبسوط اوي بكلام مع فرح و قاموا مشيوا مع بعض و القرد ماشي في النص 

ضحك .. هو عزول متخفيش اوي كده.

ضحكت . طبعا قردي بيغير عليا )

  ضحك عليها و شال الكاب من علي شعرها .. تعرفي انك مختلفه اوي انا اول مره اشوف كده في حياتي بصراحه عارفه كنت محتاج واحده مختلفه انا كنت عايز واحده تحبني علشان انا مش علشان حاجه تانيه 

بص لها.  ليه عامله في نفسك كده ممكن اعرف 

 

قالت : انا شايفه نفسي اجمل واحده فالدنيا ومهما بشوف مبحسش نفسي قليلة جنب حد .. ودايمًا حابه شكلي وجسمي ولون بشرتي ونبرة صوتي .. وضحكتي .. وحتى نظراتي العشوائيه .. وتفكيري وأسلوبي وشخصيتي .. واني متعوضش فـ حياة اي حد مهما حصل حبيت نفسي كده و السبب هو 

و بدأت تحكي له السبب بص لها ..تعرفي انك جميله اوي وانتي كده 

فرح .. بجد

راح وقف قدامها كان مركز اوي في عينها ..بجد  

فرح ..انا تعبت من المعافره 

.بس عارف ‏المعافره بتبقى حلوه اوي لو كان الشخص يستاهل المعافره دي وهو يكون عارف انك هتتعب عشانه الف مره، حد كده واضح وصريح معاك ومع نفسه، حد يقدّرك ويفهم مشاعرك ويبذل مجهود معاك علشان تتم العلاقه دي، انما غير كده المعافره هتبقى مجرد قلة قيمه وكرامه ومضيعه وقت ومجهود ع الفاضي، متعافرش مع حد مش بيعافر عشانك

  و قضوا يوم حلو اوي مع بعض و مشيت وهو كمان قربوا من بعضهم اوي و كان بقالهم شهر

و كانوا مبسوطين اوي مع بعض 

   وفي يوم كلمها و قالها .. اطلعي بلكونه

خرجت و هيه مستغربه كان هو واقف و معاه بوكيه ورد كبير اوي و بصوت عالي . فرح انا عايزك و بحبك تجوزيني

ننزل دموعها..اي 

ضحك 

.اه يا فرح بحبك اوي و عايزك موافقه انك تكوني شريكه حياتي و حب عمري و أم ل عيالي 

كانت في صدمه خرجوا الكل غلي صوت ة عايده خرجت

عايده . قولي اه 

فرح نزلت ل صقر . مستعد انك تكون مع واحده زيي

ضحك...اوي اوي 

 فرح.. متاكد

 صقر ..زي ما متاكد انك قدامي ها قولتي اي 

تضحك .

موافقه 

 بص لهل وضحك 

.خدي معاد من مامتك جاي انا ز اختي نطلب ايد القمر 

ضحكت و خدت الورد وكان جاب لها هديه حلوة اوي و كل الحاجات اللي بتحبها

و طلعت ل امها و امها مكانتش مصدقه نفسها و كانت فرحانه اوي اوي )

   عايده ..الف مبروك..يجي بكره و ماله

وهز راح فتح نجمه في موضوع و فرحت اوي اوي ل اخوها و كانوا مبسوطين و مر اليوم و تاني يوم راح علشان يطلب أيدها

بفرحه. .مش مصدقه جه اليوم اللي اعيش فيه كل ده 

وضحكت من كل قلبها و هيه مبسوطه اوي و مكانتش مصدقه نفسها ..انا طالب ايد فرح 

عايده..وانا موافقه 

 ضحك ..و انا عايز فرح بس مش عايز اي حاجه تانيه و فرح و كتب الكتاب الاسبوع الجاي 

عايده .. ماشي

قرب منها ..شبكه القمر

تصدم لما تلاقيها من الماظ نجمه ..الف مبروك يا مرات اخويا 

و كانوا مبسوطين اوي و الفرحه ماليه قلبهم و كانوا عمالين يجهزوا كل حاجه مع بعض 

علشان الفرح و كل النواقص و كل حاجه و مكانتش مصدقع نفسها )

     و كل حاجه جهزت وجه يوم الفرح

  جهزت و كانت زي القمر وهو كمان وفي القاعه كتبوا الكتاب و قال جملته الشهيره بارك الله ليكم و عليكما وجمع بينكما في الخير

فرحوا اوي .. مبروك عليا انتي 

ضحكت ..مبروك عليا انا

بص بها .. بحبك زي ما انتي حبيت كل العيوب اللي فيكي قبل المميزات

فرحه... بحبك اوي 

صقر .. انتي فرحتي 

و عايده كانت مبسوطه اوي ل بنتها ز نجمه فرحانه اوي ليهم

و طلعوا جناح بتاعهم ة هما مبسوطين وصلوا اول حاجه .. ربنا يقدرني و اقدر اسعد قلبك 

 فرح..فرحتي معاك و وياك يا حبيبي

         و 

  و بدأوا حياه سعيده كلها حب و حبها من كل قلبه و هيه كمان حبيته اوي لدرجه الموت

و بعد كام.شهر يطلب ايد نجمه ويجي يوم فرح نجمه و كان مبسوط اوي ب أخته ..خلي بالك منها 

ضحك...دي في عيني 

و عاشوا كلهم مبسوطين و جاب عايده تعيش معاهم و هما مبسوطين اوي 

و قربت منه فرح ..انا حامل 

ضحك..

بجد 

تهز 

دماغها ..احلي خبر في الدنيا 

و حضنها بكل حب و كانوا مبسوطين اوي 

     ودي كانت نهايه قصتنا و توته توته خلصت الحدوته