نوفيلا اه يا حلم العمر بقلم حلم حياة كاملة احتفاليه الاقلام الذهبية
نوفيلا اه يا حلم العمر بقلم حلم حياة كاملة
نوفيلا اه يا حلم العمر بقلم حلم حياة
الراعي الرسمي الاحتفالية الاقلام الذهبية
المجد للقصص والروايات
نوفيلا واه يا حلم العمر
الحلقه الاولى
لبست وجهزت نفسها عشان تروح الحضانه اللى بتشتغل فيها بعد ما زهقت من قعدة البيت ،وفي طريقها لازم تاخد رسالة النهاردة اللى بيها بيحلي يومها ووشها بينور مدت ايدها في قصيص الزرع اللى في السكه وخدت الكارت وقرايته وهي هيمانه
(صباح الخير &نهار جديد نور وانتي في حياتي منوراها ،ربنا يكتبلي نصيب فيكي )(قلبي ومفتاحه دول ملك إيدك ومساه وصباحه يسألني عليك)
طوت الكارت وحضنته وكأنها بتحضن صاحبه ،دخلت الحضانه وهي مبتسمه وقالت : السلام عليكم ورحمه الله وبركاته ،صباح الخير يا حبايبي ؟
الأطفال بصوت واحد : صباح النور يا ميس علا
علا بابتسامه: يالا حبايبي كله يطلع النوت عشان نبدأ الدرس ؟
في الاستراحه دخلت عليها صاحبتها جنه وقالت: يا صباح الروقان عامله ايه يا لولو ،واخبار مرسال الغرام ايه ؟
علا بهيام: كويسه اوي اوي ،وبعدين بطلي تتريقي لو سمحتي ماشي ؟
جنه بضحكه: طب بس بس ده انتي حالتك حاله ،اه يا خوفي لحد يقفشك ولا يقفشه وهو بيبعتلك الرساله بتاعة كل يوم دي ،ساعتها وقعتكم هتبقي سودة ،
علا باستياء: ايه اللى انتي بتقوليه ده يا جنه ،بتدعي عليا ،الله يسامحك ،مكنش العشم أبدا
جنه بخوف وزعل : ايه ده ايه انتي زعلتي ،والله العظيم مقصدش كده خالص انتي عارفه انا بحبك اد ايه ونفسي ومني عيني اشوفكم مع بعض حقك عليا لو تللى وصلك اني بحقد عليكي متزعليش مني!
علا بابتسامه صافيه:خلاص انا بس مدايقه وكشرت وقالت: انا كمان خايفه لحد يكتشف حاجه وساعتها مش عارفه هعمل ايه !
جنه : مش انتي اللى تعملي هو اللى لازم يعمل بقالكم اد ايه بتتراسله عن طريق الكروت وبعدين آخرة التعليقه دي ايه ؟لازم ياخد موقف حاسم كفايه مماطله بقي
علا: لاء يا جنه متظلمهوش هو ان كان عليه عايز النهاردة قبل بكرة ،بس من و عايز يجهز من كله وبعدها يتقدم ٠
جنه: ربنا يتملك علي خير ويجعله من نصيبك لو فيه خير ليكي ٠٠
علا بتمني: يارب يارب
عند معاذ في ورشة الالمومنتال اللى بيشتغل فيها ،قاعد في وقت الاستراحه بيشرب الشاي مع أخوه الصغير وكاتم اسرارة أدهم ،
ادهم: ايه يا معاذ سرحان في ايه كده ومش معايا ؟
معاذ: هاه ولا حاجه ،يعني هسرح في ايه !
أدهم بغمزة: عليا انا برضوا ،ههههههه
معاذ : ولاه اتلم انا بقولك اهو ؛وبعدين يا معفن بدل مترمي عليا كلام شوف شغلك أحسن ؟
أدهم: مانا شايف شغلي ولا انت بترازي فيا وخلاص ؟
معاذ : عايزك راجل تقف وتسد في كل حاجه ،فاهم عشان لما اغيب عنك تسد بدالي فاهم ،،
أدهم: طب بجد بقي امتي هتاخد خطوة رسميه في موضوعك ؟
معاذ بتنهيدة: ان كان عليا نفسي النهاردة قبل بكرة ،بس ما باليد حيله ،لازم اجهز كل حاجه ،وانت شايف الفلوس مش هتكفي حالياً جوازي مع جوازة شروق أختك ،عشان كده لازم اصبر بعد فرح شروق!
أدهم: اخص عليك يا معاذ وانا روحت فين ،هو انت مش معتبرني راجل ولا ايه ؟
معاذ بابتسامه حنون: لاء طبعاً ده انت سيد الرجاله كلهم كمان ،بس فلوسك لجامعتك ومصاريف دؤاستك غاليه قوي ولازم تبقي زي زمايلك ولا ايه ،وبعدين مانت بتدفع ججزء منها في مصاريف البيت ولا نسيت ياض انت ؟!
في بيت معاذ قاعده ام معاذ مع جارتها ام أمل ،،
ام أمل:بقولك ايه يا ام معاذ ياختي منفسكيش تفرحي بإسم النبي حارسه وصاينه معاذ إبنك ،وتشزفي خلفه علي حياة عينك ؟
ام معاذ بطيبه نفس: ياه ده يوم المني يا ام امل بس اقول ايه محكم رأيه ميتجوزش ولا يفكر في نفسه غير بعد ما يطمن علي شروق اسم الله عليه ٠٠
ام امل: راجل وزينة الرجاله امال ايه لازما يسترها مش اخته ولا ايه هي دي الأخلاق اللى مبقتش موجوده ،ده انا والنبي جاني عريس لامل بس ايه ملوش عازة زي قلته سالت عليه قالو مطلع عين اهله ،قولت علي ايه من قلة الرجاله ،
ام معاذ: يالهوي مطلع عين أهله ،امال معاها هي هيبقي ايه ربنا يستر علينا ،لاء ياختي قعدة الخزانه ولا جوازة الندامه ،،
ام امل : اه انا قولت كده برضوا ،بس البت حلوة وبيجلها كتير ،وانا مستخسراها في اي حد ،عايزةلها راجل مجدع يصونها دي الحيله ياختي ،،،
ام معاذ : ربنا يبعتلها اللى يسر خاطرها يارب ،،
في بيت علا ،رجعت من الحضانه بعد محطت الكارت بتاعها في قصيص الزرع عشان معاذ ياخده كالعادة وهو راجع من الشغل ،،
علا: مساء الخير يا ماما ،مساء الخير يا بابا ،
مديحه امها : مساء النور يا قلب ماما عامله ايه ؟
الاب حمدي: مساء السعادة يا علا ٠٠
علا بابتسامه: الحمدلله على كل حال انا جعانه اوي يا ماما هدخل اغير هدومي واجهز الاكل ماشي ٠٠
مديحه: متتعبيش نفسك يا قلبي الاكل النهاردة مش محتاج تجهيز ،غيري وتعالي بسرعه انتي بس ؟
علا بحيرة،: ليه هو الاكل ايه النهارده ؟لتكوني اتهورتي يا مديحه وجبتي لحمه ،وخبطت علي دماغها بهزار وقالت ، يالصاعقه مديحه بنت عامر طبخت لحمه يا رجاله ٠٠
حمدي ومديحه ضحكوا علي كلامها جداً ،واتكلمت مديحه بقلة حيلة من عمايل بنتها المجنونه وقالت : يا ميلة بختك في بنتك يا مديحه البت الحيلة اتهبلت ،يابت روحي غيري هدومك وخلصيني بقي ،،
علا: فوريرة ،،
علا غيرت هدومها وطلعت من اوضتها لاقت امها حاطه الصينيه وعليها رنجه وفسيخ وبصل اخضر وكل حاجه بتعشقها ،،برقت عينها وجريت علي الصينيه بلهفه وقالت: دهب مرجان ياقوت احمدك يارب ،وبدات تاكل بشراهه،
ضحك حمدي علي طريقتها وكملوا اكل في جو كله ضحك وحب وهزار
معاذ راجع من شغله وقرب من قصيص الزرع اللى قدام باب بيت عم حمدي ابو علا وخد الكارت اللى سيباه علا زي كل يوم ،هو يكتب كارت الصبح ،وهي كارت بليل ،
خد الكارت ومشي بسرعه قبل ماحد ياخد باله وحطه في جيبه ودخل بيتهم: مساء الخير والسعادة يا ست الكل ؟
كوثر أمه: يسعد مساك يا قلب أمك ،حمدالله على السلامه يالا غيرو هدومكم عقبال مااحط الأكل ،،
أدهم بمشاكسه: يا صلاة النبي أحسن ،فوريرة وتلاقيني قدامك يا ست الكل ،،
ضحك عليه معاذ ودخل اوضته وقفل الباب وطلع الكارت وبدأ يقراها بدقات قلب عاليه وانفاس عاليه دليل على شوقه ولهفته لصاحبة الكارت (أمين يارب ❤️)
اتبسم براحه وهمس بحب : يارب أجعلها من نصيبي ،،
كوثر حطت الاكل علي السفرة وقالت: يالا يا ولاد ،يا معاذ يا أدهم يا بت يا شروق يالا الاكل هيبرد ٠٠
شروق: ايوة يا ماما كنت بأكل العصافير ،امال القوم فين
أدهم: انا جه انا هنا اهو ،الله محشي كوسه حبيب قلبي تسلم ايدك يا ماما ٠
كوثر بمحبه: بالهنا يا حبيبي ،هو اخوك أتأخر ليه ؟
معاذ: انا اهو يا امي جيت اهو كنت بصلي العشاء
شروق: تقبل الله يا ابي
معاذ:منا منكم يا شوشو ،هاه اخبار خالد ايه كويس ولا مزعلك ؟
شروق بهدوء: كويس الحمدلله ،
كوثر بتهكم: اه كويس ،بامارة مامنعك تروحي عند خالتك وتباتي مش كده !
معاذ بحكمه: يا ماما عنده حق إذا كان انا اخوها وكنت رافض الموضوع هيقبله هو ،
كوثر: ليه أن شاءالله تكونشي خالتك بتخنق فيكم ولا ايه ؟
شروق : يا ماما يا حبيبتي خالد بيدايق عشان ولاد خالتي كلهم شباب ووجودي معاهم غلط وهو بيغير جداً وبعدين أصلا مينفعش ابات هناك والبيت كله رجاله ،كده ولا ايه.
معاذ: صح جداً ماما خالتي علي عيني وراسي بس اختي مينفعش تبات عندها في وجود رجاله شحطه كده الناس تاكل وشنا يرضيكي انتي كده ؟؛
كوثر: انا محسبتهاش كده انا قولت انها خالتها ومش اول مرة يعني مفكرتش كده أبدا ،وبعدين انا بقي مش عاجبني ان خطيبها يتحكم في خروجها ودخولها كده ايه ملهاش رجاله تحكمها ولا ايه ،،
أدهم: حقه مش خاطبها ومكتوبه علي إسمه يبقي حقه ،،
معاذ : لاء طبعاً مش في كل حاجه ،يعني لو انااو ماما موافقين يبقي خلاص مش عمال علي بطال كده غلط
شروق: وهو مش بيتحكم إلا في الأمور المبيرة زي موضوع خالتوا كده وبس
أدهم: يعني انا لما اخطب مقولش لخطيبتي اقعدي في البيت ومتخرجيش ايه الكلام ده!
معاذ: يا حبيبي ،انت المفروض واخدها من بيت رجاله يعني ثقه انها مش هتعمل حاجه غلط ولا هتخرج إلا بعلمهم ،كده ولا ايه ،يبقي المفروض واحتراماً للبيت الى انت دخلته والرجاله اللى قعدت معاها متدخلش إلا في الضرورة زي خالد كده ،فهمت؟
كوثر: بس خلاص كفايه كلام كلوا ٠٠
كملوا اكل وخلصوا وقعد معاذ مع أمه يشربوا الشاي في البلكونه اللى قدام بيت عم حمدي ابو علا وكانوا بيتكلموا
معاذ: بقولك يا امي أن شاءالله الجمعيه هتتقبض اخر الأسبوع جهزي نفسك عشان تاخدي شروق وتجيبلها الأجهزة بتاعتها مش عايز حاجه تنقصها ماشي يا أمي ؟
كوثر: ربنا يعطيك يا ابني ويزيدك يارب ،وانت يا ضي عيني مش ناوي بقي ؟؛وغمزت بعينها علي بيت علا بابتسامه حنون!
معاذ: باذن الله يا امي بعد فرح شروق هكلم عم حمدي ٠
كوثر : وليه بعد الفرح خير البر عاجله ،واكملت بتوتر ،وبصراحه كده في ناس عايزين يتقدموا للبنت !
معاذ : ناس !ناس مين دول ؟وانتي عرفتي منين ؟وحصل أمتي الكلام ده ؟امي اتكلمي لو سمحتي ؟.
كوثر: والله يا ابني انا عرفت النهاردة بالصدفه وانا في السوق ،ام عادل جيرانا القدام شوفتهم النهاردة في السوق وكلمه في ضحكه وسهرايه عرفت منها انها ناويه تكلم امها وتتقدم عشان ابنها عادل مانت عارفه ،سالتني عليها ان كلنت مخطوبه ولا لسه ،فانا لا قولت ولا عدت كل اللى قولته اني مشغوله مع بنتي وتجهيزها ومعرفش حاجه عن حد!
معاذ مقدرش يسمع اكتر من كده ودخل اوضته بيتنفس بالعافيه مصدوم علي خايف علي متوتر وعمال يسأل عقله : طب إزاي ؟ازاي بعد كل ده متبقاش من نصيبي ؟ازاي بعد كل الحب ده تبقي لواحد تاني ؟اه يارب قلبي واجعني اوي يارب يارب اكتبها من نصيبي يارب انا مش هقدر انافس واحد زي ده إمكانياته اعلي مني ومستقبله اكبر مني إختبار صعب اوي يارب ارحمني يارب !!
قعد علي السرير والهم راكبه فكر يتصرف إزاي وازاي يطمن فكر يتصل بيها ،بس هيقول ايه ،طب ماهي بتكتبله الكروت وبتقبلهم منه يبقي اكيد مياله له ،طب ماهو ممكن ابوها يضغط عليها وخصوصاً انه لسه مش جاهز وقدامه وقت يعمل ايه ويتصرف ازاي ،وبعد وقت ربنا هداها لفكرة ؟؟
علا سهرانه زي كل يوم بتقرا الكروت اللى بيبعتها معاذ وهيمانه فيه وفي أخلاقه ،عمره متجاوز معاها في اي كلام وعمره مفكر يتصل بيها ويعرضها لمشاكل وافتكرت ازاي بدأت موضوع الكروت وازاي (فلاش باك)
علا وشروق قاعدين عند شروق في البيت بيجهزو البيت عشان خطوبة شروق وبيتكلموا ::
شروق: عقبالك يابت يا علا ماربنا يرزقك بواحد قيمه وسيمه زي اخويا معاذ كده ههههه
علا بهيام : يااه يا شروق نفسي أوي
شروق : نفسك في ايه في معاذ يابت
علا: ايه اللى بتقوليه ده يا شروق انا قصدي في عريس
شروق،: طب ومالوا معاذ اخويا وحش ؟
علا: لاء طبعاً هو انا قولت كده !
شروق: بت يا لولو احنا اخوات يابت ومتربين مع بعض ايه هتخبي عليا !,وبعدين ان جيتي للحق انا حاسه باهتمام اخويا معاذ بيكي
علا بدهشه وخجل : بيه انا انتي متاكده ؟
شروق: اه ياختي متاكده امال بجس نبضك ازاي
علا: هو قالك ؟
شروق: مقالش صراحه بس قال تلميح يعني ماما سألته امتي هتفرح بيه وهو قالها ربنا يسهل ولما رشحتله عروسه قالها انه مختار عروسته وبيدعي ربنا يجعلها من نصيبه ،ولما سألته مين هي قالها واحده جارتنا وبتحبنا اوي وبنحبها أوي
علا: وده معناه انها انا ،مش يمكن واحده تانيه غيري ؟
شروق: لاء ماما فضلت وراه لحد ما قالها عليكي ومش بس كده ده كمان نفسه مموت روحه في الشغل عشان يقدر يخلص شقته ويطلب إيدك ،فانا بقي بجس نبضك عشان لو في قبول يبقي اخويا عرف يختار هاه قولتي ايه
علا: هبلغك بردي وانا بسقي الزرع!!!
وتاني يوم الصبح وعلا بتسقي الزرع اللى قدام بيتهم في نفس توقيت خروج معاذ للشغل صبح عليها هو وادهم كالعادة ،،
معاذ بأدب: صباح الخير يا انسه علا؟
علا بخجل : صباح النور !ازيك يا أدهم ؟
أدهم: الحمدلله انتي ازيك ؟
علا: بخير تمام ٠٠٠٠اه
معاذ بفزع: ايه مالك ؟
علا بألم مصتنع: يمكن انجرحت من شوك الورد ،
معاذ: طب عنك انا هكمل سقي الزرع !
علا بضحكه شقيه لانها وصلت للى عايزاه : طيب
معاذ خد خرطوم المياه منها وقرب يسقي الورد شاف كارت صغير بين الغصون بصلها بطرف عينه لاقاه متوترة وبتبص عليه ،ابتسم بحب عليها وخد الكارت وسقي الزرع وسلم عليها ومشي ،، ومن يومها وهما كل يوم يكتبوا كارت لبعض وبقالهم سنه علي ده الحال ،لا عمره كلمها فون ولا حتي بينهم وبين بعض !!
نوفيلا اه يا حلم العمر بقلم حلم حياة الفصل الثاني
نوفيلا
واه يا حلم العمر
الحلقه الثانيه
(باك)
فاقت من ذكرايتها علي صوت رساله من الواتس من رقم مش متسجل (ازيك يا علا ،انا معاذ ،اسف لاني بكلمك كده بس انا محتاج أسألك سؤال وعايز اجابه شافيه ).
علا استغربت من الرساله وبعد كده ردت وقالت ( الحمدلله ،خير يا معاذ أسأل)
اتنهد بارتياح لما ردت عليه وقال(علا ،انا بحبك ومني عيني تبقي من نصيبي ،بس هل يا تري هتصبري عليا كمان كام شهر لحد مخلص شقتي وابقي جاهز ؟ محتاج اجابه صريحه )
علا قلبها دق جامد من كلمة بحبك وفضلت سرحانه فيها كتير ،لدرجة ان معاذ خاف لتكون رافضاه ومش هتستناه فكتب وقال( علا ،ارجوكي ردي عليا انتي مستعده تصبري عليا )
علا انتبهت علي حالها وقرت الرسالتين وللى باين فيهم اد ايه هو متعذب قلبها واجعها عليه وكتبت وقالت ( مستعده استناك لاخر العمر) معاذ قرأ الرساله وعينه دمعت من الفرحه انه أخيراً خد اجابه صريحه منها واتاكد وقتها انها زيه بتحبه فكتب (حتي لو اتقدملك واحد جاهز من كله ؟اسف بس محتاج أتأكد إنك معايا حتي لو أهلك ضغطوا عليكي!)
علا قلقت من كلامه وسألته بترقب: (مالك في ايه ؟وليه كل القلق ده ؟وعريس مين اللى هيجي وجاهز كمان ؟انا مش فاهمه!؟
معاذ اتنهد بأسف واتطر يقولها علي كل حاجه امه قالتله عليها وهي تختار!
علا سمعت رسالته لانه المرة دي بعت فويس صوت عشان يقدر يشرح فيه كل حاجه،علا خدت نفس طويل وقلبها دقاته عاليه اوي وبتقول لنفسها معقول معاذ الشخص الخجول اللى في حاله ده وعمره مرفع عينه في حد يبقي بيحبها اوي كده ابتسمت بحب وردت عليه وقالت ( اللى يلاقي الحب والاهتمام ده كله ويبعد عنه يبقي غبي وانا مش غبيه وعمري ماهبقي غبيه أبدا،ولازم اقفل دلوقتي عشان انام 🙈😂)
معاذ قرا الرساله وضحك من قلبه علي مشاغبتها ليه وفرح من كلامها وثقتها فيه وقال(وانا عمري ماهخيب ظنك فيه وربنا يقدرني واسعدك العمر كله ،تصبحي علي جنه وفرحه لقلبك وأيامك يا نبض قلبي ❤️)
علا ومعاذ من كتر فرحتهم بكلامهم ده وان ده اول كلام مباشر يتم بينهم فضله كل الليل سهرانين بيفكروا ويحلموا بيوم اللقا لحد ماناموا ععلي نفسهم ٠٠
الصبح فرد نوره وكالعادة معاذ ساب الكارت لعلا زي كل يوم وهي اخدته لكن مراحتش الحضانه لان اخوها كمال راجع من شغله اجازة وهي وامها هيجهزوا اكل الغدا ،
مديحه: بت يا علا ،انا نازله السوق هشتري حاجات المحشي وانتي جهزي صنية المكرونه واغسلي القلقاس عقبال ما اجي بسرعه متكسليش ماشي ٠٠
علا: حاضر يا ماما والله كل حاجه هعملها زي مانتي عايزة واكتر كمان روحي بقي عشان ترجعي بدري ،،
مديحه: ماشي يا لمضه سلام ،
علا دخلت تجهز الاكل وكمان عملت كيكة الشيكولاته اللى اخوها بيحبها وبعد كده خدت كام قطعه وبعتتهم لشروق صاحبتها عشان تدوقها ،
شروق بخبث: تسلم ايدك يا لولو انا هاكل الكيكة كلها مش هخلي لحد حاجه ،وكتمت ضحكتها ،
علا بضتلها بصدمه وردت بوعيد : وربنا لو كلتيها ومخلتيش لحد حاجه منها هعملك كفته ايه رأيك بقي !
شروق: وعلى ايه ياختي انا داخله علي جواز وعايزة صحتي ههههه
علابضخكه: منحرفه قال عايزة صحتي قال امشي غوري ،
شروق: عقبال متعوزي صحتك انتي كمان ،وحركت حواجبها بمشاغبه ،
كمال رجع من شغله سلم علي أهله واتغدوا كلهم في جو مرح.وجميل ،
كمال: ياه متتصوريش يا امي كنتم واحشني اد ايه بجد ربنا مايحرمني منكم أبدا
علا: طالما كده خليك هنا وانقل شغلك من البحر الاحمر لهنا وخليك جمبنا ،
كمال: يايت ينفع بس اجيب منين شركة تنقيب بترول في وسط القاهرة صعب شويه ،وبعدين انا عامل وشغلنا كله في المياه يعني مينفعش وبصراحة انا مبسوط اوي في شغلي كل الللى المشكلة اني بعيد عنكم
مديحه بحب: ربنا يوفقك يا ابني وافرح بيك بقي
حمدي: فعلاً يا كمال احنا عايزين نفرح بيك ونجوزك ايه رأيك
كمال: والله يابابا ان كمان عايز استقر واتجوز بس مش قبل ماطمن علي لولو وبص علي اخته اللى اتكسفت ووشها قلب ألوان الطيف ,،
مديحه بتمني: ده يوم المني ،ربنا يسعدكم يا ولادي ويفرحني بيكم يارب
آمنوا علي دعاءها واتكلم كمال بابتسامه وهو بيبص لأخته وقال: من ناحية الفرح فهو جاي وبصراحة كده في خبر حلو عندي!!
مديحه : خبر ايه قول وفرحني ؟!
كمال: في عريس جاي يتقدم لعلا!!
مديحه بفرحه: مين يا واد قول ؟مين العريس ؟
حمدي: استني شويه يا مديحه ،لما نفهم الأول من إبنك
كمال: مراد ابن عمي ،
مديحه: مراد ؟صحيح ؟طب والله الواد مراد ده ابن حلال ومتربي معاكم يعني نعرفوا كويس ؟هاه ايه رأيك يا لولو ؟قولتي ايه؟
حمدي : جرا ايه يا ام كمال ؟اصبري شويه ؟مش كده ؟
مديحه: هو انا قولت ايه يعني ياحج ماهو من فرحتي برضوا!
قاطعهم كمال وهو بيبص علي علا اللى ملامحها اتغيرت وبان عليها الزعل وقال بهدوء: مالك يا لولو ؟ انتي مش مبسوطه ليه ؟انتي مش عايزة مراد؟!
مديحه: نعم ميعجبهاش إزاي ؟هو في أحسن منه ؟ وبعدين ده ابن عمها يعني لحمها ودمها ؟ مالك يابت ؟
حمدي بحزم: بس !!خلصنا يا مديحه!سيبي البنت تكمل أكل والكلام ده يبقي بعدين ،،ووجه كلامه لعلا بحنان: كلي يا حبيبتي ومفيش حاجه هتم غصب عنك اطمني!
بصتله علا بامتنان وحب وقالت: ربنا ميحرمني منك يا بابا ،انا شبعت الحمدلله ،قايمه اعملولكم شاي ،،
دخلت المطبخ وقلبها بيدق زي الطبل وبتدعي في سرها :(يارب استرها معايا يارب ،مليش غيرك ،يارب مقدرش اتجوز واحد مبحبوش ،واظلمه وانا قلبي مع غيره ،طب والعمل وبعدين!والمشكله مقدرش ارفض ابن عمي وحشه في حقه وحقي وحق بابا وعمي !يارب اعمل ايه دبرني يارب ء؟)قاطع شرودها فوران الشاي وزعيق امها اللى دخلت وشافت الدنيا مبهدله: بت يا علا ؟ايه اللى هببتيه ده ؟
علا بارتباك: أبدا يا ماما حالا اهو هنضفه متقلقيش ؟
مديحه : مالك يا بت يا علا ,؟فيكي ايه ؟من وقت ما اخوكي قال علي مراد وانتي متغيرة مالك اتكلمي معايا احسن من الكتمه دي ؟؛!
بصت لامعا وخدت نفس طويل وقالت : مفيش يا ماما ،انا بس شكلي همدانه شويه !
مديحه: همدانه ؟عليا برضوا يابنت حمدي ؟!ماشي ؟خلصي الشاي وطلعيه وابقي اغسلي الفاكهه وطلعيها يالا ٠٠
عند معاذ بيشرب الشاي مع الكيك اللى جابته علا وسرحان فيها وفجأة مسك تليفونه وابتسم بحب وفتح الواتس وكتب رساله ،،( تسلم الايادي ،علي احلي واطعم كيك دوقته وهدوقه في عمري كله )قفل الفون وعلي وشه ابتسامه جميله واتنهد بحب ،وقال: ياه يا علا لو تعرفي انا منتظرك إزاي ؟
عند علا دخلت اوضتها تفكر ازاي هتقول لاء علي ابن عمها وازاي متزعلش عمها منهم ،،واثناء ماهي قاعدة لاقت اشعار رساله فتحتها وقراتها !وبعد تردد كتير كتبت ( معاذ ؟انا واقعه في مشكله !!)
معاذ جاله اشعار الرساله فتحها بلهفه اتحولت لخوف وقلق ،وبدون تفكير كتب ( خير ؟فيكي ايه ؟مالك ؟)
علا:( ابن عمي طلب أيدي!وانا مش عارفه اعمل ايه ؟لو رفضت هتبقي مشكله بين بابا وعمي ،ولو قبلت هظلمه واظلم نفسي ! اعمل ايه )
معاذ قرا الرساله مرة بعد مرة بعد مرة وكله ذهول من اللى قراه!ازاي بعد كل ده هيسبها!ازاي هيتخلي عن حبيبته؟!ازاي هيعيش من غير ما تكون ليه .؟! كل دي أسأله وجعته اوي ،هو دلوقتي مش جاهز أبدا لخطوة الجواز ،اهم حاجه دلوقتي جوازة اخته ،ازاي يقدر يعدي الورطه دي ؟!بسرعه كتب ( متعمليش ،انا اللى هعمل ،ماشي ،نامي واهدي وانا هتصرف)
كتب الرساله وخرج بره ،كانت أمه بتصلي راح بهدوء وقعد جمبها ،استناه لما سلمت وبصتله باستفسار ،فاتكلم: ماما انا لازم اتقدم لعلا ؟!!
كوثر بدهشه : ماانا قولت كده ،قولتلي مش دلوقتي ،ايه جد ؟
معاذ بقلق ولهفه: ابن عمها اتقدم لها ،وانا مش هقدر اضيعها من أيدي وهي أصلا خايفه وزعلانه ولازم اتصرف بسرعه يا ماما ؟!
اتنهدت أمه بضيق ومسكت سبحتها واتجهت للقبله وقعدت تسبح ربنا بنية الاستخارة ! وبعد وقت بسيط رفعت راسها ولمت المصليه وقعدت علي الكنبه بكل هدوء ،بصلها معاذ بتعجب لما طال صمتها وخاف لتكون زعلت منه فقرب منها بحذر وقال: ماما ؟ في ايه ؟ ردي عليا رأيك ايه ؟
كوثر بحكمه : ابن عمها اتقدم ولا لسه ؟
معاذ: بتقول اتقدم !
كوثر: يبقي إزاي ؟ بصلها باستفسار وهي كملت بضيق: ازاي عايزني اروح اخطبها وابن عمها متكلم عليها ؟ ما هو بالعقل كده هيرفضوا ابن عمها عشانك تيجي إزاي ؟!
معاذ بوجع وخوف: بس انا بحبها وهي بتحبني ،وانا اللى حلمت بيها واتمنتها ،ازاي يا امي عايزاني اتخلي عنها وبعدين هي بتحبني وعيزاني زي بالظبط!
كوثر: ياابني يا حبيبي ما انا ياما قولتلك تعالي اخطبهالك ونقرا فاتحه عشان تضمن وجودها جمبك انت اللى كنت بترفض ؟
معاذ بقلة حيلة وحزن : كنتي ازاي عايزاني اخطب واتجوز ولسه اخواتي مطمنتش عليهم يا امي ؟ ازاااي؟ده انا لسه فاكر وصية ابويا عليهم قبل وفاته بيوم واحد لما قالي خلي بالك عليهم صاحب ادهم وخليه ضلك ،وشروق علمها وخليها تطلع من البيت راسها مرفوع وتعيش في بيوت الناس بكرامتها ،ازاي كنتي عايزاني اسيب كل ده واعيش حياتي عادي مش ذنبي ان قلبي دق وحبيت وبعدين علا دي انا مربيها مع شروق وعارف تفاصيلها اكتر منها هي ازاي اقدر اتخلي عنها واسيبها لغيري يا امي إزاي ؟؟
كوثر بدموع ألم: يا ابني وغلاوتك عندي قلبي حاسس بيك بس اعمل ايه الوضع صعب ،ابو كمال وابو مراد طول عمرهم روح واحده ده حتي عمري ما شوفت سلفه بتحب سلفتها بس مديحه وبثينه حاجه تانيه دول كأنهم أخوات ،وبعدين لو علا رفضت ابنهم الموضوع ده هيعمل حزازيه بينهم كبيرة اوي وكملت بتنيهده وقالت بتمني: ربك يخلف الظنون ويجعلها من نصيبك ويحلها علي اهون سبب ،
معاذ دخل اوضته شايل هم الدنيا كلها قلبه واجعه وروحه مسحوبه منه بس هيعمل ايه كلام امه كله صح قرر يرمي حموله علي الله وهو يدبرها من عنده ٠٠٠
الصبح معاذ مراحش الشغل عشان تعبان ونايم في اوضته ،وكوثر كمان باين عليها الحزن ادهم وشروق أصروا يعرفوا في ايه !
شروق: مالك يا ماما ؟ انتي وابيه معاذ مالكم ؟
أدهم: فعلاً شكلكم بيقول في مصيبه حاصله ايه اللى جرا ؟
كوثر بخفوت: مفيش ،روحوا يالا كل واحد يشوف حاله !
شروق بإصرار: حالنا هو حالكم في ايه بقي ؟
أدهم بضيق: ايه يا امي هو احنا مش من اهل البيت برضوا ولا ايه ؟ ماتقولوا بقي في ايه؟
كوثر حست انهم مش هيسبوها حكتلهم كل الحكايه ،اهو اديني حكيت لكم كل حاجه هاه ايه رايكم بقي ؟!
أدهم بص علي شروق بتوتر لاقاها بتعيط علي حال أخوها ،اتنهد بياس وسابهم وطلع السطح!
عند علا الوضع ماختلفش كتير علا قاعده في البيت وحابسه نفسها في الاوضه وامها حاسه ان في حاجه ؟
مديحه : مالك يا علا فيكي ايه من ساعة ما اخوكي قالنا علي مراد وانتي كده في ايه ؟
علا باقتضاب: مفيش يا ماما !
مديحه : مفيش ازاي وانتي قاعده كده زي اللى ميتلها ميت فيكي ايه يا بنت بطني ؟!
علا عيطت من وجع قلبها وقلة حيلتها خلت امها تتوتر اكتر وتصر تعرف كل حاجه ومع إصرارها علا حكت كل حاجه لأمها!!
ادهم قاعد هيتجنن ازاي أخوه بعد كل ده يتحرم من حبيبته ازاي تروح لواحد تاني وهو بيفكر طلعتله شروق وقالت: احنا لازم نتصرف يا أدهم انا متاكده من حب علا لمعاذ وحب معاذ لعلا ،هنعمل ايه
أدهم بتفكير: اتصلي علي علا وهاتي اكلمها ؟!
شروق: ليه عايز منها ايه ؟
أدهم: اخلصي ،هتفهمي دلوقتي!
علا حكت لأمها علي حاجه وقعدت تنتظر رد فعلها يا تري هتقول ايه او هتعمل ايه ؟ولما سكوتها طال سألتها بتوتر : ماما رأيك ايه ؟
مديحه : شردت شويه واتكلمت باستفهام: واناي واثقه ان معاذ فعلا شاريكي ؟
علا بثقه ولمعة حب : جداً يا ماما انتي متتصوريش هو بيعمل ايه عشاني ،وبعدين يا ماما خلينا صريحين اناي عارفه ظروف معاذ وان هو شايل هم أخواته ومش حابب يفكر في نفسه قبل ما يطمن علي أخته يبقي ده شئ يتحسب له ولا ايه ؟!
مديحه بتنهيده: يا بنتي كل ده انا عارفاه والناس كلها شاهده عليه معاذ راجل محترم واد كلمته وقف لامه وأخواته وحافظ عليهم واهو هيجوز اخته ،بس !
علا بترقب وخوف: بس ايه يا ماما ؟
مديحه : هيفضل ابن عمك ميترفضش....
قاطعهم اتصال شروق ،علا بصت علي امها اللى شاورت بعينها انها ترد
علا: صباح الخير يا شوشو
أدهم: ازيك يا علا انا ادهم ،معلش بس محتاج أكلمك ضروري
علا بتوتر : أدهم ؟ خير؟؟
مديحه شاروت لها تفتح الصوت وفعلا عملت كده
أدهم: علا اناي مستعدة تتجوزي حد تاني غير معاذ؟
نوفيلا اه يا حلم العمر بقلم حلم حياة الفصل الثالث
نوفيلا
واه يا حلم العمر
الحلقه الثالثه والاخيرة
اللى ردت عليه هي مديحه وقالت: السؤال مش كده ،السؤال هل معاذ مستعد يعمل ايه عشان علا تبقي ليه ؟
أدهم بدون تفكير: اي حاجه وكل حاجه يا طنط
مديحه : بعد ايه ؟
شروق: يا طنط انتي عارفه الظروف هي اللى حكمت بكده
أدهم: انا عندي فكرة ممكن حضرتك تسمعيها
مديحه: قول فكرة ايه ؟
أدهم: حضرتك تبلغي عمي حمدي ومراد ان ماما جت لحضرتك وطلبت ايد علا لمعاذ قبل ما يتكلم مراد وان حضرتك انشغلتي بكمال واجازته ودلوقتي معاذ طلب أيدها قبل مراد يبقي الأولي الأسبق وكلمتين بقي من عندك ولا حضرتك مش عايزة معاذ ؟
علا عجبتها الفكرة وبصت لامها بلهفه ودقات قلب سريعه ونفس الشعور كان عند ادهم وشروق اللى مستنين قرار مديحه بفارغ الصبر وأخيراً مديحه اتكلمت مع طلوع معاذ للسطح يشوف اخواته بيعملوا ايه ؟!!
مديحه: طيب انا موافقه هكلم عمك حمدي واقوله ان ام معاذ كلمتني علي علا بس انت بقي كلم الست والدتك وخليها تيجي عندي قال يعني بتسالني ومعاذ كمان خليه يقابل كمال ويقوله عشان يقتنعه بالموضوع..
معاذ سمع الكلام وقلبه كان هيوقف من الفرحه وعيونه دمعت وهو شايف أخواته وثمرته الحلوة بيساعدوه وبيفكروا في مشكلته..
مديحه قفلت وحضنت علا اللى جريت علي حضن أمها بفرحه كبيرة
أما أدهم وشروق فحضنوا بعض وهيصوا انهم قدروا ينجزوا الموضوع ده ،وهما بيهيصوا شافوا اخوهم واقف وفرحان بيهم
جريوا عليه وحضنوه بفرحه كبيرة
شروق حكت لامها علي حاجه وكوثر فرحت جدا وجهزت نفسها تروح لام علا
مديحه بابتسامه: اهلا يا ام معاذ نورتي ياختي يا أهلا وسهلا اتفضلي
كوثر: يزيد فضلك ياست ام كمال
مديحه: تشربي ايه يا حبيبتي ساقع ولا سخن ؟
كوثر ولا اي حاجه تعالي اقعدي جمبي بس
قعدت مديحه وقربت عليها كوثر بمحبه وباستها وحضنتها بحب وقالت: تسلمي يا بنت الأصول انتي متعرفيش ابني حالته كانت ايه وبقت ايه بعد كلامك اللى رد روحه
مديحه بتأثر: يوه يا ام معاذ ،معاذ ده ابني اللى مخلفتوش وبعدين انا بشتري لبنتي راجل يصونها ويحميها ربنا يجعلهم احلي نصيب لبعض يارب
امنت كوثر علي كلامها واتفقوا علي كل حاجه وبعد مده مشيت كوثر علي بيتها
اما معاذ فراح لكمال القهوة اللى بيقعد عليها ..
معاذ: ابو كمال عامل ايه يا جدع واحشني والله
كمال: معاذ ازيك يا ابني فينك كده
معاذ : موجود في الدنيا بس مشغول شويه في تجهيزات فرح شروق ما انت عارف
كمال: ربنا يجعل التمام علي خير وعقبالك بقي ولا ايه
معاذ : ما هو ده اللى انا جتلك فيه
كمال: خير يا حبيبي اقدر اساعدك في ايه
معاذ: تعرف راي عم حمدي انا اصلي من كام يوم بعت امي تتكلم عن علا اختك غروسه ليا
كمال: امتي الكلام ده ؟ امي مقالتش حاجه
معاذ : قبل ما ترجع انت
كمال: معقول تكون نسيت
معاذ: في حاجه يا كمال هو عم حمدي رافض ولا حاجه
كمال: لا لا ابدا انت بتقول ايه انا بس اول مرة اعرف هسال امي واردلك خبر تمام يا صاحبي
معاذ: تمام مستنيك
مديحه بعد العشا قعدت مع جوزها واتكلمت معاه وحكتله عن زيارة الست كوثر!
حمدي: إزاي تنسي حاجه زي دي يا مديحه
مديحه: يوه بقي يا حمدي بقولك انشغلت بزيارة كمال ونسيت اعمل ايه بقي وبعدين يعني ابن اخوك لا جه ولا اتكلم رسمي يعني محدش أصلا هيعرف انه جه واترفض
حمدي: ياه ده انتي كمان مقررة الرفض
مديحه بتوتر: هاه لا ابدا انا بس حسيت البت بنتك مياله اكتر لمعاذ عشان كده قولت كده
حمدي: وكمان اخدتي رأيها من غير علمي
مديحه: ابدا وحياتك ابدا ولا حصل انا اللى حسيت انها مياله الموضوع وخصوصاً انها لما جت سيرة مراد زعلت وسهمت كده مجرد تخمين مش اكتر
حمدي: كمال ابنك فين يعرف هو كمان وانا اخر من يعلم ولا ايه بالظبط
مديحه هتتكلم قاطعها دخول كمال وصوته بيناديها
كنال: ماما يا ماما ؟
مديحه: ايوة يا حبيبي انا هنا اهو
كمال دخل عليهم وقال باحترام لابوه: مساء الخير يا بابا
حمدي: مساء النور يا ابني تعالي أقعد
قعد كمال وبص لامه وقال : ماما هي صحيح طنط كوثر طلبت ايد علا اختي لمعاذ أبنها صحيح الكلام ده
حمدي: هو انت عرفت امتي ومنين
كمال: معاذ قابلني النهاردة علي القهوة وسألني علي ردنا عليه وبصراحه كنت في نص هدومي وانا مش عارف ارد عليه بأيه
حمدي بلوم لمراته: عجبك كده يا هانم عجبك كده عشان تنسي حلو ده موضوع يتنسي ده
مديحه : ما خلاص بقي يا ابو كمال الله هو انت ما صدقت
كمال: المهم يا بابا هنقول ايه الجماعة ومراد ابن عمي هنعمل معاه ايه
مديحه: هنعمل ايه يعني معاذ جه الاول يعني هو اولي ومراد متقدمش رسمي يبقي ايه بقي نسأل علا وهي اللى تقول
حمدي : للأسف كلام امك صح
كمال: طب انتي سالتيها يا امي
مديحه: وانا مالي يسألها أبوها
حمدي: طيب قومي يا لمضه جهزي العشا اناي وابنك وابعتيهالي
طلع كمال ومديحه راحت تنادي علي علا اللى كانت سامعه كل كلمه وقلبها بيدق بخوف راحت عند أبوها بتوتر وقالت: نعم يا بابا حضرتك عايزني
حمدي بابتسامه: اقعدي يا قلب ابوكي
قعدت علا بتفرك في أيدها،ابوها مسك أيدها وقال بحنان: كبرتي يا علا وبقيتي عروسه ومش عارف اعمل ايه في عرسانك كلهم احلي من بعض بس انتي اللى هتميزيهم لما تختاري واحد يكون شريك حياتك
ردت علا بخجل: قصدك ايه يا بابا
حمدي: علا يا بنتي معاذ جارنا اتقدملك وابن عمك مراد طبعاً عارفه،فده دلوقتي الأمر بأيدك انتي يا تري هترجحي كفة مين
علا: ممكن اصلي استخارة وارد علي حضرتك
حمدي : تمام يا حبيبتي خدي راحتك
بعد يومين من القلق والترقب ردت علا علي أبوها بالموافقة علي معاذ لانها ارتاحت اكار بعد ما استخارت في طلبه وفعلا علا عملت كده لانها في النهايه لازم تطمن قلبها علي الآخر لانها عارفه ان الحب مش كل شئ في الحياة ....
جه الخبر لمعاذ اللى طيره من الفرحه وخلاه جهز نفسه واهله وبعت لخاله عشان يجي معاه يتقدم رسمي
راحوا كلهم عند حمدي اللى استقبلهم بمودة : اهلا وسهلا اتفضلوا يا مرحب بيكم نورتوا
عثمان خال معاذ : اهلا بيك يا ابو كمال
معاذ باحترام: أهلا بيك يا عمي
كمال: يا مرحب يا أدهم هاه نويت علي كلية ايه
أدهم: هندسه بإذن الله
حمدي: ربنا يوفقك يا حبيبي
اآمنوا علي كلامه وبعد كده اتكلم عثمان وقال: طبعاً انت عارف يا ابو كمال احنا النهاردة ليه عشان نطلب ايد كريمتكم علا لابن اختي معاذ وانت عارفه وعارف اخلاقه وعارف ظروفه شقته فوق شقة امه عايزة تتوضب وتتفرش وده هياخد فترة مش اقل من سنه يعني يكون فاق من جوازة اخته واحنا باذن الله جاهزين للي تقولوا عليه ؟
حمدي: والله يا حج عثمان معاذ يعتبر ابني التاني يعني لا محتاج ادور وراه ولا أتأكد منه كل اللى عايزه راحة بنتي وأن شاء الله السنه تعدي علي خير وبرضوا سنه حلوة يدوب يلحقوا يجهزوا حالهم
معاذ: عمي بعد أذنك طبعاً انا حابب اكتب كتابي حابب علا تبقي علي اسمي يعني عشان ميبقاش في حرمانيه في كلامي او سلامي عليها قولت ايه
كمال: عين العقل يا معاذ انا كمان حابب كده عشان نبقي مطمنين اكتر ولا ايه يا بابا
حمدي: طالما انت موافق وحابب الفكرة يبقي علي البركه
عثمان: نقرأ الفاتحه علي نية التوفيق
قراو الفاتحه والستات زغرطت والفرحه عمت المكان واتفقوا علي الشبكه وكتب الكتاب مع فرح شروق ؟...
بعد أسبوع كان فرح شروق وكتب كتاب معاذ وعلا والفرحه ماليه المكان والزينه في كل مكان.....
بارك الله لكما وبارك عليكما وجمع بينكما في خير
معاذ بحب: الف مبروك يا احلي حلم واغلي امنيه في عمري كله
علا بخجل: الله يبارك فيك يا احلي هديه في عمري كله
علي الناحيه التانيه قاعدة شروق في الكوشه مع خالد وعنيهم بتضحك من الفرحه مسك أيدها هالد وقال بحب:. مبروك يا شوشو مش قادر اصدق ان خلاص وقت قصير ونبقي انا وانتي ولا حد تالتنا وغمز بعينه بشقاوة
خجلت من كلامه شروق واكتفت بابتسامه خجوله وسكتت
الدي جي اعلن عن الرقصه الأولي للعروسين واللى كانت اغنية لخالد سليم (حلم عمري)
اللى كلماتها لمست قلوبهم وطيرتهم من السعادة
معاذ : بحبك يا علا
علا: انا حاسه اني بحلم يا معاذ معقول انا معاك دلوقتي وكتبنا الكتاب وبقيت مراتك
معاذ: ده مش حلم ده تحقيق الحلم واه يا بقيتي مراتي وحياتي وعمري كله بحبك يا احلي حلم واجمل حقيقة
حضنها ودار بيها مع تسفيق من كل الحضور وفرحتهم
#تمت
تعليقات
إرسال تعليق